ပင်လယ်သမုဒ္ဒရာကြီးဟာဆိုရင် တော်တော်ကိုကျယ်ပြန့်လှပြီး ဟိုအောက်ခြေထိရောက်ဖို့ဆိုတာလဲ မလွယ်ကူလှပါဘူး။ လူသားတွေအနေနဲ့လဲ ရေအောက်လောကနဲ့ပတ်သတ်လို့ ခုချိန်ထိ ၁၀၀ရာခိုင်နှုန်းအပြည့် မလေ့လာရသေးတာ ပရိသတ်ကြီးလဲသိရှိမယ်ထင်ပါတယ်။ ရေကြောက်တတ်တဲ့သူတွေ မကြည့်ဖို့သတိပေးပါရစေ။ ပင်လယ်ကြမ်းပြင်ဟိုးအနက်ဆုံးမှာ ရှင်သန်နေတဲ့ရေသတ္တဝါတွေရဲ့ ပုံစံတွေကအစ ထူးဆန်းလှပါတယ်။
၁။ မျက်နှာမပါတဲ့ငါး
မျိုးစိတ်နာမည်ကိုတော့ Typhlonus nasusလို့ပေးထားပြီး ငါးရှဉ့်သဏ္ဍာန်ရှိတဲ့အဆိုပါငါးပို ပင်လယ်ရေအောက်ကြမ်းပြင် ၁၃၁၀၀ အနက်မှာ ရှာဖွေတွေ့ရှိခဲ့တာပဲဖြစ်ပါတယ်။
၂။ အသားစား sponges
ဒီ sponges တွေကတော့ တခြားကမ္ဘာကနေလာတဲ့ မျိုးစိတ်တစ်ခုလို့တောင် အထင်မှတ်မှားစရာပါ။ သူဟာ သူ့ရဲ့ပျော့ပျောင်းတဲ့ အပြင်ပန်းအသားနဲ့ သူ့ရဲ့သားကောင်တွေကိုဆွဲဆောင်ပြီး ခန္ဓာကိုယ်အတွင်း လည်ပတ်နေတဲ့ အထူးဖွဲ့စည်းထားတဲ့ဆဲလ်တွေကနေ အစာချေဖျက်ပေးတယ်လို့ ဆိုပါတယ်။
၃။ Corallimorpharia
Jellyfish အမျိုးအစားထဲပါဝင်ပြီး ရေအောက်အနက်ပိုင်း သန္တာကျောက်တန်းတွေမှာ တွေ့ရတတ်တယ်လို့ ဆိုပါတယ်။
၄။ Spikey crab
hermit crab အမျိုးအစားနဲ့သက်ဆိုင်မယ်လို့ ခန့်မှန်းရပြီး ဂဏန်းအစစ်ဖြစ်တယ်လို့တော့ မသက်မှတ်ရသေးပါဘူး။ သူ့ရဲ့ကိုယ်ပေါ်က အချွန်အတက်တွေကြောင့် Spikey crabလို့ အမည်ရတာဖြစ်ပါတယ်။
၅။ Sea spiders
ရေနေပင့်ကူလို့အမည်ပေးထားပြီး တစ်ချို့တွေမှာ ခြေချောင်းရှစ်ချောင်းသာပါပေမယ့် တစ်ချို့တွေမှာတော့ ဆယ်ချောင်းကနေ ဆယ့်နှစ်ချောင်းအထိ ပါနိုင်တယ်လို့ဆိုကြပါတယ်။ သူ့ရဲ့သားကောင်တွေကတော့ sponges တွေနဲ့ worms တွေပါ။
၆။ Dragonfish
သူကတော့ နာမည်အကြီးဆုံးငါးအမျိုးအစပါ။ ရေနက်ပိုင်းမှာအများဆုံးတွေရပြီး ကိုယ်ပိုင်အလင်းထုတ်လွှတ်ပါတယ်။ သူ့ရဲ့သားကောင်တွေကို အလင်းနဲ့မျှားပြီး ဆွဲဆောင်ပါတယ်။ ကြောက်စရာပုံစံကြောင့် နာမည်ကြီးတဲ့ငါးလည်းဖြစ်ပါတယ်။
သတင်း အရင်းအမြစ်៖ Elite Readers