ကမ္ဘာပေါ်မှာ အကောင်အကြီးဆုံးက ဝေလငါး ဆိုတာအားလုံးသိပြီးဖြစ်မှာပါ။ ဒါပေမယ့် သူ့အရွယ်အစားနဲ့သူ အလေးဆုံးဆိုရင်တော့ မိုလာမိုလာ(mola mola) ငါးလို့ပဲပြောရပါမယ်။ ၉ပေ အရှည်ရှိတဲ့ဝေလငါးတစ်ကောင်ဟာ ပေါင် ၆၀၀ ခန့်လေးတဲ့အချိန်မှာ ၇ပေ ဝန်းကျင်ပဲ ရှိတဲ့ မိုလာမိုလာ ငါးတစ်ကောင်ဟာ ပေါင် ၂၀၀၀ ခန့် ရှိနေတတ်ပါတယ်။ ဒါကြောင့်လည်း သူ့ကိုအလေးဆုံး ငါးတစ်ကောင်အဖြစ် သတ်မှတ်ထားခြင်းဖြစ်ပါတယ်။
သူတို့ဟာ ပုံမှန်ငါးတွေနဲ့ ကွဲပြားတဲ့ပုံသဏ္ဍာန်ရှိပါတယ်။ သူတို့ကို ရေမျက်နှာပြင်ပေါ်တက်ပြီး နေရောင်ကို ထိတွေ့လေ့ရှိတာကြောင့် နေငါး လို့လည်းခေါ်ကြပါတယ်။ ပုံမှန်အရွယ်အစားက ၆ပေ ဝန်းကျင်ကနေ ၈ပေခန့် အထိရှိတတ်ပြီး အကြီးဆုံးအရွယ်အစားကတော့ ၁၁ပေဖြစ်ပါတယ်။ အလေးချိန်ကလည်း အနည်းဆုံးပေါင် ၆၀၀ ကနေ ပေါင် ၅၀၀၀ အထိလေးတဲ့ငါးတွေဖြစ်ပါတယ်။ သူတို့ရဲ့အဓိကအစားအစာက ဂျယ်လီငါးဖြစ်ပေမယ့် ဗီလာငါး ၊ အခွံမာကောင် ၊ ငါးအသေးလေးတွေ နဲ့ ရေမှော်တွေကိုလည်း စားတတ်ကြပါတယ်။
ရေမျက်နှာပြင်ပိုင်းမှာပဲ နေလေ့ရှိပေမယ့် ရေအောက်အနက်ပေ ၂၀၀၀ ခန့်အထိလည်း သွားလေ့ရှိတဲ့ငါးတစ်မျိုးဖြစ်ပါတယ်။ သူတို့အကြောက်ရဆုံးတွေကတော့ ပင်လယ်ဖျံ ၊ ဝေလငါး ၊ ငါးမန်း နဲ့ လူတို့ဖြစ်ပါတယ်။ သူတို့ကို ပစိဖိတ်သမုဒ္ဒရာအနောက်ပိုင်းမှာ အများဆုံးတွေ့နိုင်ပြီး ဂျပန် ၊ ကိုရီးယား ၊ ထိုင်ဝမ် တို့မှာလည်းတွေ့ရတတ်ပါတယ်။ နိုင်ငံအများစုက ကာကွယ်ပေးထားတဲ့ရေသတ္တဝါဖြစ်ပေမယ့် တရုတ် နဲ့ ဂျပန်တို့မှာတော့ အဓိက အရသာရှိတဲ့အစားအစာ တစ်ခုအဖြစ် စားသုံးခြင်းခံနေရပါတယ်။
သတင်း အရင်းအမြစ်៖ Cracked