တခါကနာမည်ကြီး show တခုဖြစ်တဲ့ Buffalo Bill’s Wild West Show မှာစွမ်းရည်ပြသဖျော်ဖြေခဲ့တဲ့ လက်ဖြောင့်အမျိုးသမီး သေနတ်သမားတဦးရှိခဲ့ပါတယ်။ သူမရဲ့နာမည်ကိုတော့ အန်နီအုတ်ကလေ လို့ခေါ်ပါတယ်။ သူမဟာအသက်ရှစ်နှစ်အရွယ်ကစပြီး သေနတ်ပစ်ဖူးခဲ့တာဖြစ်ပါတယ်။
သူမကို ၁၈၆၀ ခုနှစ်ကအိုဟိုင်းယိုးပြည်နယ်အနောက်ပိုင်းမှာနေတဲ့ ချို့ချို့တဲ့တဲ့ မိသားစုတစုကနေ မွေးဖွားခဲ့ပြီး သူမခြောက်နှစ်အရွယ်မှာ သူမအဖေဆုံးပါးသွားခဲ့ပါတယ်။ မိသားစုအတွက် အဲ့အရွယ်ကတည်းက သူမဟာ ငုံးစတဲ့သတ္တဝါငယ်လေးတွေကို ထောင်ဖမ်းတတ်နေခဲ့ပါပြီ။ သူမအမေရဲ့အပေါင်ဆိုင်ကအကြွေးကိုဆပ်ဖို့ သူမရဲ့သေနတ်ပစ်စွမ်းရည်ကိုအသုံးချခဲ့ပါတယ်။ သူမရဲ့အရပ်ဟာငါးပေပဲရှိပါတယ်။
သူမဟာ ဥရောပတခွင်က ဘုရင်တွေ ဘုရင်မတွေကို ဖျော်ဖြေခဲ့ဖူးပါတယ်။ပထမကမ္ဘာစစ်အတွင်း အမျိုးသမီးလက်ဖြောင့်တပ်ကိုဦးဆောင်ပေးမယ်လို့ သူမကစစ်တပ်ကိုကမ်းလှမ်းခဲ့ဖူးပါတယ်။၁၈၉၈ မှာသူမဟာ သမ္မတ မက်ခင်လေ ထံ အမျိုးသမီးသေနတ်သမား ၅၀ ကိုအုပ်ချုပ်ပေးနိုင်ကြောင်းနဲ့ စပိန်-အမေရိကန်စစ်ပွဲမှာပါဝင် တိုက်ခိုက်ပေးလိုကြောင်း တွေပါတဲ့စာတစောင်ပို့ခဲ့ဖူးပါတယ်။ ဒါပေမယ့် သမ္မတဆီကစာတော့ပြန်မရခဲ့ပါဘူး။သူမဟာသောမတ်အက်ဒီဆင်နဲ့သိကျွမ်းခဲ့ပြီး ရု၁၈၉၄ မှာတော့ အက်ဒီဆင်ရဲ့ရုပ်ရှင်ပြစက်နဲ့ပြသတဲ့ရုပ်ရှင်တကားဖြစ်တဲ့ The Little Sure Shot of the Wild West မှာဖန်ဘောလုံးတွေကို ရိုင်ဖယ်သေနတ်နဲ့ပစ်ခွဲတဲ့အခန်းကို ဝင်သရုပ်ဆောင်ခဲ့ဖူးပါတယ်
သတင်း အရင်းအမြစ်៖ Wikipedia