တောင်ကိုရီးယားနိုင်ငံ မှာရှိတဲ့ Gonjiam ဆေးရုံဟာ ကမ္ဘာပေါ်တွင် ကမ္ဘာ့ကြောက်မက်ဖွယ်ရာ အကောင်းဆုံး ဆေးရုံအဖြစ် နာမည်ကြီးနေပါတယ်။ ဒီဆေးရုံကြီးရဲ့ နာမည်ကြီးနေရတဲ့ အကြောင်းရင်းကတော့ ဆေးရုံပေါ်တွင် လာရောက် ကုသနေတဲ့ လူနာတွေဟာ ထူးဆန်းစွာ သေဆုံးကုန်ကြပြီး ဆေးရုံဆင်းခွင့်ရခါနီး ဖြစ်တဲ့ လူနာတွေဟာလည်း လူမသိသူမသိ ပျောက်ဆုံးခဲ့ပါတယ်။
အခုလို နာမည်ဆိုးတွေနဲ့ ကျော်ကြားလာတာကြောင့် ပျောက်ဆုံးသွားတဲ့ လူမမာတွေရဲ့ လူနာရှင်တွေက မကျေနပ်သဖြင့် တရားစွဲဆိုခဲ့ကြပါတယ်။ ဆေးရုံပိုင်ရှင်ဟာလည်း ပြည်ပနိုင်ငံတစ်ခုကို ထွက်ပြေးသွားခဲ့ရပြီး ဆေးရုံကိုလည်း ဖျက်သိမ်းခဲ့တာ၁၅နှစ်ရှိသွားပြီပဲ ဖြစ်ပါတယ်။ တောင်ကိုရီးယားအစိုးရတော့ ဆေးရုံကို သန့်ရှင်းမှုမရှိ၍ ပိတ်ခဲ့ရသည် ဟုဆိုခဲ့သော်လည်း တခြားအကြောင်းရင်းတွေရှိနေသေးတယ်လို့ ယုံကြည်နေကြသူတွေ လည်းရှိပါတယ်။
လူသူမရှိတဲ့ ဒီဆေးရုံကြီးဟာ တိတ်ဆိတ်လျက်ရှိနေပြီး ခြောက်ခြားဖွယ်နေရာ ကြီး တစ်ခု အဖြစ် ရှိလို့နေပါတယ်။ ဒီဆေးရုံကြီးကို လာရောက်လည်ပတ်သူတွေကလည်း တချို့ ကတော့ စူးစမ်းတဲ့ သဘောအနေနဲ့သာ လာကြသော်လည်း တချို့ကတော့ သရဲရှာဖွေရေး အဖြစ် လာရောက်ကြတာပဲ ဖြစ်ပါတယ်။
သတင်း အရင်းအမြစ်៖ Bloggers Arena