ပရိသတ်ကြီးကို ဒီတစ်ခါဖော်ပြပေးမယ့် အကြောင်းအရာလေးကတော့ ကမ္ဘာကြီးပေါ်မှာ ကြုံတောင့်ကြုံခဲဖြစ်ပွားခဲ့တဲ့ အဖြစ်အပျက်များစွာ ထဲမှာမှ ထူးထူးဆန်းဆန်း အကြောင်းအရာလေးတစ်ခုကို ဖော်ပြပေးချင်ပါတယ်။ ဒီအကြောင်းအရာလေးကတော့ ဆရာဝန်တစ်ယောက်ဟာ အခြေအနေအမျိုးမျိုးကြောင့် ကိုယ့်အသက်ကို ကယ်နိုင်ဖို့အတွက် မိမိဘာသာ ခွဲစိတ်ခဲ့ရတဲ့ အဖြစ်အပျက်ကလေးပဲ ဖြစ်ပါတယ်။
ဒီဆရာဝန်လေးရဲ့အမည်ကတော့ ခွဲစိတ်ဆရာဝန် Leonid Rogozov ဖြစ်ပြီး ခွဲစိတ်ဆရာဝန်တစ်ယောက်ပါ။ တစ်ရက်မှာတော့ Rogozov ဟာ အတ္တလန်တစ် ဒေသမှာ စူးစမ်းရှာဖွေမှု လုပ်ရင်း appendicitis ဆိုတဲ့အူအတက် ရောင်ရမ်းတဲ့ ရောဂါ ကို အပြင်းအထန် ခံစားခဲ့ရပါတယ်။ဒီရောဂါဟာ အူအတက်ပေါက်ရင် အသက်ဆုံးရှုံးနိုင်တာကြောင့် သူ့ဗိုက်ကို သူပြန်ဖောက်ပြီး သူ့အူအတက်ကို သူပြန်ဖြတ်ထုတ် နေတဲ့ မြင်ကွင်းဖြစ်ပါတယ်။ ဒီလိုအခြေ အနေမှာ သူသတိလစ်သွားရင်လည်း သေဆုံး သွားနိုင်ပေမယ့်လည်း ကံကောင်းထောက်မစွာနဲ့ပဲ ခွဲစိတ်တာအောင်မြင်ခဲ့ပါတယ်။
ဒီဖြစ်စဉ်ဟာ အလွန်ရှားပါးလွန်းလှတာကြောင့် သူ့ဗိုက်သူ ပြန်ခွဲစိတ်ခဲ့တဲ့ ဓာတ်ပုံဟာ အတော်လေးကို ရေပန်းစားသွားခဲ့ရပါတယ်။ တခါတလေမှာ ကျနော်တို့တွေဟာ ကိုယ့်အသက်ကို ကာကွယ်ဖို့အတွက် မိမိကိုယ်တိုင်ပဲ ရုန်းကန်ရတဲ့ အချိန်တွေရှိပါတယ်။ ပရိသတ်ကြီးလည်း ဒီစာလေးကိုဖတ်ရင်း တခုခုသင်ခန်းစာ ရရှိသွားမယ်လို့မျှော်လင့်မိပါတယ်။ သာယာတဲ့နေ့တစ်နေ့လေးကို ပိုင်ဆိုင်နိုင်ကြပါစေဗျာ။
သတင်း အရင်းအမြစ်៖ Cracked
Bong I.T