အဆိုတော် ငယ်ငယ်ကတော့ တစ်ခေတ်တစ်ခါက Rap သီချင်းများစွာကို သီဆိုခဲ့တဲ့ အမျိုးသမီးတစ်ဦးပဲ ဖြစ်ပါတယ်။ စိုင်းစိုင်းနဲ့ တွဲဖက် သီဆိုခဲ့တဲ့ " နှစ်အချိုးတစ် " ၊ အချစ်သို့ရှုံးနိမ့်ခြင်း " စတဲ့ သီချင်းတွေဟာဆိုရင်လည်း အခုချိန်ထိ ပရိသတ်တွေ တစ်ခဲနက် အားပေးနားဆင်နေကြဆဲပဲ ဖြစ်ပါတယ်။ လက်ရှိမှာတော့ ချစ်ရတဲ့ ခင်ပွန်း၊ သမီးလေးနဲ့အတူ ကြည်နူးသာယာစရာကောင်းတဲ့ ဘဝလေးကို ဖန်တီးတည်ဆောက်ထားတာပဲ ဖြစ်ပါတယ်။
အိမ်ထောင်ကျပြီးနောက်ပိုင်း ဂီတလှုပ်ရှားမှုတွေ မရှိတော့ပေမယ့်လည်း အခုချိန်ထိ အချစ်ဆုံး သူငယ်ချင်း စိုင်းစိုင်းရဲ့မွေးနေ့ပွဲများတွင်တော့ နှစ်စဉ်နှစ်တိုင်း သီဆိုဖျော်ဖြေနေတာလည်း ဖြစ်ပါတယ်။ ငယ်ငယ်ဟာ ကိုယ်ပိုင်စီးပွားရေးလုပ်ငန်းကို အောင်မြင်အောင်လုပ်ဆောင်နေပြီး အသစ်သစ်သော လုပ်ငန်း တွေကိုလည်း ချဲ့ထွင်နိုင်အောင် ကြိုးစားနေပြီး သမီးလေးရဲ့ လိုအပ်ချက်တွေတိုင်းကိုလည်း ဖြည့်ဆည်းပေးနေတဲ့ မိခင်ကောင်းတစ်ယောက်လည်း ဖြစ်ပါတယ်။ လတ်တလောမှာ Camp တွေနဲ့ သဘာဝဆန်စွာ နေထိုင်နေခြင်းကို ခေတ်စားနေတဲ့အတွက် သူမရဲ့လူမှုကွန်ယက်စာမျက်နှာတွင် ပဲခူးခြံက အိမ်လေးကို ပြသလိုက်တာပဲ ဖြစ်ပါတယ်။
ငယ်ငယ်ကလည်း " Camp site တွေ ခေတ်စားနေလို့ ကိုယ့်ခြံပုံ ကိုယ်တင်တာ ၊ ဘယ်သူ့မှ မငှားဘူး " ဆိုပြီး ရေးသားထားတာပဲ ဖြစ်ပါတယ်။ ဒီအိမ်လေးဟာ လွန်ခဲ့တဲ့ ဆယ်စုနှစ် နှစ်စုကျော်လောက်က VCD ရိုက်ကွင်းတော်တော်များများတွင် အသုံးပြုခဲ့တာပဲ ဖြစ်ပါတယ်။ ပရိသတ်တွေလည်း ပြန်လည်မှတ်မိသတိရသွားအောင် ငယ်ငယ်ပိုင်ဆိုင်တဲ့ ခြံလေးကို တစ်ဆင့်ပြန်လည် ကူးယူတင်ဆက်ပေးလိုက် ရပါတယ်နော်။
Source and Photo Crd- Nge Nge Candice’s Facebook Account