ချိုပြုံးတို့သားအမိက သူ့ဆီမှာ ဆေးကုသရင်း ဘုရားတည်ဖို့အတွက် အလှူငွေများလှူဒါန်းပေးခဲ့လို့ ဝမ်းသာပျော်ရွှင်စွာပြောလာတဲ့ ထူးခန့်ကျော်

သဘာဝမင်းသားလိုတောင် ခေါ်ကြတဲ့ မင်းသားထူးခန့်ကျော်ကတော့ အနုပညာနယ်ပယ်မှာ အောင်မြင်နေတဲ့ သူပဲ ဖြစ်ပါတယ်။ လက်ရှိမှာတော့ ထူးခန့်ကျော်က အနုပညာအလုပ်တွေအပြင် မြန်မာ့တိုင်းရင်းဆေးကုသပေးမှုကို အခကြေးငွေမယူပဲ လုပ်ကိုင်ကုသပေးနေတာ တွေ့ရပါတယ်။ ယခုမှာဆိုရင်တော့ သူ့ဆီမှာ အကယ်ဒမီ ချိုပြုံးတို့သားအမီးနှစ်ယောက်က ယုံယုံကြည်ကြည်နဲ့ ဆေးလာရောက်ကုသခဲ့လို့ ဝမ်းသာပျော်ရွှင်စွာပြောပြလာခဲ့ပါတယ်။

"ခင်မင်သူတွေလူကြီးမင်းများ လက်ခုပ်တီးပါ မချိုသီချင်းဆိုမယ်ဆိုတဲ့ အကယ်ဒမီများရှင်အမေဒေါ်ချိုပြုံးနှင့် သမီးမနီတာ မိသားစုတို့မှ ကျွန်တော်ဘုရားတည်ရာ၌ အလှူငွေ၁၀၀၀၀၀ကျပ်နှင့် ကျွန်တော်ထံယုံကြည်စွာဖြင့်လာရောက်ခါ အရိုး အကြောလေးတွေကုသမှု့ပေးပါသောကြောင့် အထူးပင်ကျေးဇူးတင်ရှိပါတယ်.....အမေ တစ်ချိန်ကအမေ့ပါးတခြမ်းဘယ်သားနမ်းမလဲဆိုသောဇာတ်ကားဖြင့်၎င်း အမေချိုနှင့်ဗွီဒီယိုဇာတ်ဝင်ခန်းအတော်များများ ဆုံးဖူးခဲ့ရာတွင်လည်း စိတ်ပါလက်ပါဖြင့် ကျွန်တော်အားသားအရင်းတစ်ယောက်သဖွယ်သဘောထားပြီး ရိုက်ကူးပေးမှု့များကလည်း အင်မတန်ကျေးဇူးကြီးလှခဲ့ပေသည်....

ယခုလိုအမေချိုအား တစ်ဒေါင့်တစ်နေရာမှပါရမီဖြည့် ကျေးဇူးဆပ်ခွင့်ကြုံခဲ့ရလို့လည်းအထူးပင်ကျေးဇူးတင်ရှိပါတယ်အမေ အမေတို့မိသားစုအလှူအတွက် သာဓုအကြိမ်ကြိမ်ခေါ်ဆိုလိုက်ပါတယ်နော် ....အမေတို့မိသာစုနှင့်(၇)နှစ်ရက်သားသမီးအပေါင်း သူတော်ကောင်းတို့ ဘေးရန်ခပ်သိမ်းကင်းငြိမ်းကြ၍ လိုအင်ဟူသမျှပြီးပြည့်စုံပြီး လိုတိုင်းတရရှိကြကာ ကပ်ကြီးသုံးပါးတို့မှလည်း ကင်းဝေးကြပါစေ အားလုံးကျန်းမာလို့ချမ်းသာကြပါစေနော်" ဆိုပြီး ရေးသားထားပါတယ်။ ကဲ...ပရိသတ်တွေလည်း ထူးခန့်ကျော်ဆီမှာ ဆေးကုရင်း ဘုရားတည်ဖို့ အလှူငွေလှူဒါန်းပေးခဲ့တဲ့ အကယ်ဒမီ ချိုပြုံးတို့သားအမိတွေကို ဆုမွန်ကောင်းလေး တောင်းပေးလိုက်ပါဦးနော်.....။

သတင်း အရင်းအမြစ်៖ Source - Htoo Khant Kyaw fb acc