နှစ်ပေါင်း 5000 ကျော်လာသည့်တိုင်အောင် လက်ချင်းချိတ်ပြီး အတူရှိနေတဲ့ အရိုးစုစုံတွဲ

အီတလီနိုင်ငံအတွင်းမှာတော့ လွန်ခဲ့တဲ့ နှစ်ပေါင်း များစွာထဲကနေ ယနေ့ထက်ထိတိုင် မကွဲမကွာရှိနေတဲ့ စုံတွဲတစ်တွဲရှိခဲ့ပါတယ်။သူတို့ဟာ လွန်ခဲ့တဲ့ နှစ်ပါင်း 5000 လောက်ထဲကသေဆုံးသွားခဲ့တာဆိုပေမယ့် အရိုးစုတွေကတော့ ယနေ့ထက်ထိ အတူယှဉ်တွဲရှိနေဆဲဖြစ်ပါတယ်။

ဒီစုံတွဲရဲ့အရိုးစုကိုတော့ 2007 ခုနှစ်တုန်းက အီတလီနိုင်ငံမှာရှိတဲ့ Valdaro ရွာကလေးမှာ ဆောက်လုပ်ရေးအတွက် မြေတူးဖော်နေစဉ် မှာ တွေ့ရှိခဲ့တာပဲ ဖြစ်ပါတယ်။ တူးဖော်ခဲ့တဲ့ သိပ္ပံပညာရှင်တွေရဲ့ အဆိုအရ ထို အရိုးစု နှစ်ခုဟာ တစ်ခုနဲ့ တစ်ခု မျက်နှာချင်းဆိုင် လဲလျောင်းနေပြီး လက်မောင်းနဲ့ ခြေထောက်ချင်း လည်း ချိတ် လျက်ရှိနေတယ်လို့ သိရပါတယ်။

တူးဖော်သူတွေဟာ ချစ်သူနှစ်ဦးရဲ့ အရိုးစုတွေကို မကွဲမကွာအောင် သေချာ အနုစိတ် တူးဖော်ပြီး ထုတ်ယူခဲ့ရပါတယ်။အဲ့ဒီနောက်မှာတော့ ၎င်းချစ်သူနှစ်ဦးရဲ့ အရိုးစုတွေကို အီတလီနိုင်ငံရဲ့ Mautua မြို့မှာ ရှိတဲ့ ပြတိုက်မှာ နဂိုမူလအတိုင်း ပြသထားပါတယ်။ ဒါ့အပြင် ၎င်းစုံတွဲအရိုးစုကိုတူးဖော်တွေ့ရှိခဲ့တဲ့အတွက် Lovers of Valdaro လို့လည်း ချစ်စနိုးအမည်ပေးခဲ့ကြပါတယ်။

သတင်း အရင်းအမြစ်៖ Reuters