ပရိသတ်ကြီးရေ ဂီတလောကမှာ အောင်မြင်မှုတွေနဲ့အတူ နေရာတစ်နေရာကို ရပ်တည်ထားနိုင်ခဲ့တဲ့ အဆိုတော် ဝေလျှံကိုတော့ အားလုံးသိကြမယ်လို့ထင်မိပါတယ်။ ဝေလျှံဟာ တေးသီချင်းများစွာထွက်ရှိထားပြီး သူ့ရဲ့ သီချင်းတွေက ယနေ့တိုင်အောင် အောင်မြင်နေဆဲပဲ ဖြစ်ပါတယ်။ ဝေလျှံက ဂီတနယ်ပယ်မှာသာမကပဲ သရုပ်ဆောင်တစ်ယောက်အနေနဲ့ပါ ကြိုးစားလုပ်ကိုင်နေတာ တွေ့ရပါတယ်။
လက်ရှိမှာတော့ ဝေလျှံက သာယာပျော်ရွှင်စရာကောင်းတဲ့ အိမ်ထောင်ရေးကိုတည်ဆောက်ထားပြီး ချစ်စရာကောင်းတဲ့ သားလေးနှစ်ယောက်ကိုလည်း ပိုင်ဆိုင်ထားပါသေးတယ်။ ယနေ့မှာတော့ဝေလျှံတို့ ဇနီးမောင်နှံက မင်္ဂလာသက်တမ်း(၁၁)နှစ်ပြည့်ခဲ့ပြီ ဖြစ်ပါတယ်။ ဒါ့အပြင် သူ့ရဲ့ မင်္ဂလာနှစ်ပတ်လည်နေ့လေးမှာတော့ ကြည်နူးစရာကောင်းတဲ့ ပုံလေးတွေနဲ့ အမှတ်တရစကားလေးတွေကိုလည်း ပြောလာခဲ့ပါတယ်။
"ချစ်ရပါသော ချစ်သူ ချစ်ရပါသော မိန်းမ ချစ်ရပါသော Frank & Tank အမေ နဲ့ ချစ်ခွင့်ရသော နေ့ လေး ဟာ ဆိုရင် ဖြင့် ၁၁ နှစ်ပြည့်ခဲ့ပါပြီ ....ဟတ် ပီး အန် နီ ဗာ စ ရီ ပါ သဲလေးရေ ...ဒီထက်ပိုတဲ့နားလည်မှုနဲ့ အချစ်တွေအပြည့်နဲ့ သား၂ယောက်အတွက်ရော ပိုကြိုးစားပြီး သာယာပျော်ရွှင်တဲ့ ဘဝကို အတူ ဆက်လက်တည်ဆောက်ကြမယ်နော် ဆထက်တိုးတဲ့ အချစ်တွေနဲ့ အမြဲချစ်ကြမယ်နော် " ဆိုပြီး ရေးသားထားပါသေးတယ်။ ချစ်ပရိသတ်ကြီးလည်း မင်္ဂလာသက်တမ်း ၁၁ နှစ်ပြည့်သွားပြီဖြစ်တဲ့ ဝေလျှံတို့ဇနီးမောင်နှံကို ဆုမွန်ကောင်းလေး တောင်းပေးလိုက်ပါဦးနော်။
သတင်း အရင်းအမြစ်៖ Source - Wai Hlian Phyo fb account