Myanmarload ရဲ့အပတ်စဉ်တင်ဆက်ပေးနေတဲ့ Yoga ကျင့်စဉ်အခမ်းဂဏ္ဏ လေးကတော့ ပြန်လည်ရောက်ရှိလာခဲ့ပါပြီ။ ပရိသတ်တွေအတွက် ဒီတစ်ပတ်မှာဆိုရင်လည်း Chair Pose Yoga ကျင့်စဉ်လေးအကြောင်းကို ဖော်ပြပေးချင်ပါတယ်။ဒီလေ့ကျင့်ခန်းလေးက ခန္ဓာကိုယ်အောက်ပိုင်း ကြွက်သားလေးတွေကို သန်မာစေတဲ့အပြင် ကျောရိုးလေးတွေကိုလည်း ဆွဲဆန့်ရတာမို့လို ကျောဘက်အတွက်လည်း ကောင်းမွန်စေပါတယ်။
ဒီလေ့ကျင့်ခန်းလေးကို ပြုလုပ်မယ်ဆိုရင်တော့ ပထမဦးဆုံး ခြေထောက်လေးကို သုံးလက်မလောက်ခွဲထားပြီး ရပ်ပေးပါ၊။ ပီးရင်တော့ ရှူသွင်းလိုက်တဲ့လေနဲ့အတူ လက်နှစ်ဖက်ကို အရှေ့ကိုဆန့်ထုတ်ပြီး ဒူးကိုနည်းနည်းလေးကွေးပေးပါ။ တင်းပါးကိုတော့ အနောက်ကို များများလေး ထိုင်ချထားပြီး လက်ကို အပေါ်သို့ ဆန့်ထုတ်ပေးပါ။ဒီပုံစံအတိုင်းလေး ၈ စက္ကန့်လောက်နေပြီးသွားရင်တော့ ရှူထုတ်လိုက်တဲ့လေနဲ့အတူ ပုံမှန်အနေအထားလေးကို ပြန်သွားလို့ရပါပြီ။
နောက်တစ်မျိုးအနေနဲ့ကတော့ chair pose ကျင့်စဉ်လေးအတိုင်း ခန္ဓာကိုယ်ကို ပြုလုပ်ထားပေးပါ၊ ပီးရင်အပေါ်ကိုဆန့်ထုတ်ထားတဲ့ လက်လေးနှစ်ဖက်ကို ရင်ဘတ်နားကိုရွှေ့ပြီး လက်အုပ်ပေးချီပေးပါ။ ပီးရင် ရှူထုတ်လိုက်တဲ့လေနဲ့အတူ ခန္ဓာကိုယ်အပေါ်ပိုင်းကို ညာဘက်ကိုလှည့်ပေးပါ ၊ လှည့်နေရင်းနဲ့ ဘယ်ဘက်တံတောင်လေးနဲ့ ညာဘက်ဒူးလေးကို တွန်းထုတ်ထားပေးပါ၊ ပီးရင်တော့ ဒီပုံစံလေးအတိုင်း 8 စက္ကန့်လောက်နေပေးပါ ၊ နေပီးသွားပြီဆိုရင် ဘယ်ဘက်ကိုစောင်းပြီး ၎င်းပုံစံလေးအတိုင်းပြုလုပ်ကာ 8 စက္ကန့်လောက်နေပေးပါ၊ ဒီလေ့ကျင့်ခန်းလေးကို ပုံမှန်ပြုလုပ်ပေးမယ်ဆိုရင်တော့ ကျောရိုးညောင်းညာတာလေးတွေသက်သာပြီး နေရထိုင်ရတာ သက်တောင့်သက်သာရှိစေမှာပါ။ ဒီလေ့ကျင့်ခန်းလေးတွေကို Yoga ဆရာမ မအိဘယ်လို လေ့ကျင့်ပြထားလဲဆိုတာ အောက်ကဗီဒီယိုလေးထဲမှာ ကြည့်ရှုလို့ရတယ်နော် ပရိသတ်ကြီး……………………………….