ဂျင်းဟာ အစွမ်းထွက်တဲ့ သဘာ၀ ဆေးဖက်ဝင်ပစ္စည်းတစ်ခုဖြစ်သလို အမျိုးသမီးတွေအတွက်ဆိုရင်လည်း ဂျင်းဟာ အရမ်းအသုံးဝင်လှပါတယ်။အခုလို ကိုဗစ်ကာလမှာဆိုရင်လည်း လူတော်တော်များများဟာ ဂျင်းပြုတ်ရည်ကို နေ့စဉ်သောက်သုံးနေကြပြီး မိသားစုဆေးတစ်ခွက်အနေနဲ့ မှီဝဲနေကြပါတယ်။ ဒါပေမယ့်ဘယ်လောက်ပဲ ဆေးစွမ်းထက်ပြီး လူနဲ့တည်တဲ့ပစ္စည်းဖြစ်နေပါစေ သောက်သုံးပေးသင့်အခြေအနေမှာ မရှိရင် မသောက်သင့်ပါဘူး။
ဒါ့ကြောင့် ပရိသတ်တွေကို ဘယ်အခြေအနေမှာ ဂျင်းပြုတ်ရည်ကို မသောက်သုံးသင့်ဘူးလဲဆိုတာကို ပြောပြပေးချင်ပါတယ်။ဂျင်းပြုတ်ရည်ကို မသောက်သင့်တဲ့သူတွေကတော့ ကိုယ်ဝန်ဆောင်မိခင်တွေနဲ့ အရမ်းပိန်လွန်းသူတွေ မသောက်သင့်ပါဘူး။ နောက်ပီး သွေးနဲ့ပတ်သတ်တဲ့ ဝေဒနာတွေ ခံစားနေရသူ (ဥပမာ သွေးကျဲသူ ၊ သွေးထက်များသူ) တွေလည်း မသောက်သင့်ပါဘူး။
နောက်ထပ်အနေနဲ့ ဝေဒနာတစ်ခုကို ကြာရှည်စွာခံစားနေရသူတွေ ၊ ဆီးချိုရောဂါ ခံစားနေရသူတွေ လည်း မသောက်သင့်ပါဘူး။ ဒါပေမယ့် ဂျင်းအာနိသင်အနည်းငယ်ပါဝင်တဲ့ ဆေးဝါးတွေ ဟင်းတွေကိုတော့ မှီဝဲလို့ရပါတယ်။
သတင်း အရင်းအမြစ်៖ Healthline