သားလေးလိုချစ်ရတဲ့ ပရဟိတမျိုးဆက်သစ်လူငယ်လေးက ဖမ်းဆီးခံလိုက်ရတာကြောင့် အမြန်ပြန်လွှတ်ပေးဖို့မေတ္တာရပ်ခံလိုက်တဲ့ ဦးကျော်သူ

ပရဟိတမင်းသားကြီးတစ်လက်အဖြစ် ပြည်သူ့မေတ္တာကိုခံယူထားတဲ့ ကျော်သူကတော့ တစ်ခေတ်တစ်ခါကတည်းက အနုပညာလမ်းကြောင်းပေါ်လျှောက်လှမ်းခဲ့တာဖြစ်ပါတယ်။ဦးကျော်သူဟာဆိုရင် သရုပ်ဆောင်လည်းကောင်းတာကြောင့် အကယ်ဒမီဆုတွေကိုလည်း ဆွတ်ခူးရရှိထားပါတယ်နော်။ဦးကျော်သူရဲ့ ရုပ်ရှင်ဇာတ်ကားကြီးတွေကိုယနေ့ခေတ်လူငယ်တွေတောင် ကြိုက်နှစ်သက်နေကြတာဖြစ်ပါတယ်။ဦးကျော်သူကတော့ အသက်အရွယ်တစ်ခုကိုလည်း ရောက်ရှိနေပြီဖြစ်လို့ တရားဓမ္မတွေလည်း လုပ်ဆောင်ရင်း ကုသိုလ်ရမယ့် ပရဟိတအလုပ်တွေကိုပါစွမ်းစွမ်းတမံဆောင်ရွက်နေတာဖြစ်ပါတယ်နော်။

ဦးကျော်သူကတော့ နာရေးကူညီမှုအသင်း(ရန်ကုန်)ရဲ့ ဥက္ကဌတစ်ယောက်အဖြစ် တာဝန်ယူထားတာဖြစ်ပါတယ်။ဦးကျော်သူက နာရေးလမ်းကြောင်းတွေကိုလည်း ကိုယ်တိုင်လိုက်ပို့ဆောင်ပေးပြီး လူတန်းစားမရွေးကူညီပေးတတ်ပါတယ်နော်။လတ်တလောအခြေအနေတွေမှာဆိုရင်လည်း ဦးကျော်သူက ပြည်သူတွေနဲ့တစ်သားတည်း ရပ်တည်ပြီးနာရေးလမ်းကြောင်းတွေပြီးချိန်မှာ တတ်နိုင်သလောက် ဝန်းရံပေးတာဖြစ်ပါတယ်။ဦးကျော်သူတို့ ပရဟိတအဖွဲ့ကတော့ ပြည်သူတွေအတွက် စားစရာ၊သောက်စရာတွေကိုလည်း တစ်ပိုင်တစ်နိုင်လေး လှူဒါန်းသေးတာဖြစ်ပါတယ်နော်။

ဦးကျော်သူရဲ့နာရေးကူညီမှုအသင်းက လူငယ်တွေကလည်း စိတ်ဓာတ်ကြံ့ကြံ့ခိုင်ခိုင်နဲ့ လမ်းပေါ်ထွက်ပြီး ရပ်တည်နေကြတာဖြစ်ပါတယ်။မနေ့ကဆိုရင်လည်း ဦးကျော်သူရဲ့အသင်းထဲက လူငယ်လေးတစ်ယောက်ဆိုရင် လမ်းပေါ်ထွက်ပြီး လူထုလှုပ်ရှားမှုမှာ ပါဝင်တာကြောင့် ဖမ်းဆီးခံလိုက်ရတာဖြစ်ပါတယ်။ဦးကျော်သူကတော့”ငါ့ သားကိုပြန်လွှတ်ပေးပါ။နာရေးကူညီမှုအသင်း(ရန်ကုန်) က ပရဟိတမျိုးဆက် သားငယ်တစ်ဦးဖြစ်သူ မောင်ရဲမျိုးခန့်( အပျော်တမ်းဓါတ်ပုံ ဝါသနာရှင်) အားအမြန်ပြန်လွှတ်ပေးပါ။”ဆိုပြီး လူမှုကွန်ယက်စာမျက်နှာပေါ်မှာ ရေးသားမျှဝေလာတာဖြစ်ပါတယ်နော်။

Source&Photo Credit:Kyaw Thu’s Facebook Account