လတ်တလောမှာ အမှန်တရားကိုလိုလားကြတဲ့ ပြည်သူပြည်သားတွေက လွတ်လပ်မျှတတဲ့ ဒီမီုကရေစီကိုပြန်လည်ရရှိအောင် လူထုလှုပ်ရှားမှုတွေကို တက်ညီလက်ညီ သံပြိုင်ဟစ်ကြွေးပြီး နေ့စဥ် ပြုလုပ်နေကြတာ ဖြစ်ပါတယ်။ လူငယ်တွေရဲ့ အနာဂတ်လှပအောင် ကိုယ်ပိုင် အခွင့်အရေးတွေကို မဆုံးရှုံးစေဖို့အတွက် ဘက်ပေါင်းစုံက နိုင်ငံ့ဝန်ထမ်းများ ၊ အဖွဲ့အစည်းများ၊ ကျောင်းသူကျောင်းသားများအပြင် အနုပညာရှင်များစွာက ပြည်သူပြည်သားတွေနဲ့ အတူ အပြည့်အဝရပ်တည်ပေးခဲ့ကြပါတယ်။

Photo Credit - Htoo Khant fb account
Photo Credit - Htoo Khant fb account

ယခုလိုလူထုလှုပ်ရှားမှုတွေကို နေ့စဥ်ဆက်တိုက် လှုပ်ရှားရင်း အသက်ပေးလိုက်ရတဲ့ အာဇာနည်သူရဲကောင်းတွေရှိနေသလို ပြည်သူတွေနဲ့ ကျောင်းသူကျောင်းသား လူငယ်တချို့ထိန်းသိမ်းခံထားရမှုလည်းရှိပါတယ်။ လက်ရှိမှာ တချို့သောသူတွေ ပြန်လည်လွတ်မြောက်လာသလို တချို့လွတ်မြောက်လာခြင်းမရှိတဲ့ ကျောင်းသားလူငယ်တွေလည်းရှိပါတယ်။ လွတ်မြောက်လာခြင်းမရှိသေးတဲ့ လူငယ်တွေအတွက် အဆိုတော်သရုပ်ဆောင် ရွှေထူးက သူ့ရဲ့လူမှုကွန်ယက်မှာ အမြန်ဆုံးလွတ်မြောက်အောင် သိမြင်တတ်ကျွမ်းတဲ့သူတွေကို အကူအညီနည်းလမ်းတွေကို ရေးသားတောင်းဆိုလာခဲ့ပါတယ်။

Photo Credit - Htoo Khant fb account
Photo Credit - Htoo Khant fb account

"လက်ရှိ ထိန်းသိမ်းခံထားရတဲ့ လူငယ်တွေကိုလွတ်မြောက်အောင် ဘယ်လိုလုပ်လို့ရနိုင်မလဲဝိုင်းကူစဉ်းစားပေးကြပါဦး ... နားလည်တတ်ကျွမ်းတဲ့ လူကြီးတွေရှိရင် နည်းလမ်းလေးရေးပေးကြပါဦးခင်ဗျာ ... သူတို့အားလုံးကို အဲ့ထဲမှာအကြာကြီးရှိမနေစေချင်ဘူးဗျာ ... လက်ရှိပျောက်ဆုံးနေတဲ့သူတွေရော ... သတင်းမရအဆက်အသွယ် ပြတ်နေတဲ့လူတွေရော အရမ်းတွေ့လာလို့ပါ ... သိတဲ့သူတွေကူညီပေးကြပါဦးခင်ဗျာ" ဆိုပြီး စိတ်မကောင်းစွာနဲ့ ရေးသားထားတာ တွေ့ရပါတယ်။

သတင်းအရင်းမြစ်: Source - Htoo Khant fb account

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။