ကျဆုံးသွားတဲ့ သူရဲကောင်းတွေရဲ့ သားသမီးတွေကို ပညာရေးထောက်ပံ့ဖို့အတွက် မိသားစုဝင်ငွေထဲကနေ လစဥ်လှူဒါန်းမယ့် ယွန်းယွန်း

ဒဏ်ရာတွေအပြင်းအထန်ရရှိကြတဲ့ အပြင် ကျဆုံးမှုတွေပါရှိနေပေမယ့် မြန်မာပြည်သူပြည်သားတွေကတော့ ရဲရဲဝင့်ဝင့်နဲ့ နွေဦးတော်လှန်ရေးကို ဆက်လက်ဆင်နွှဲလျက်ရှိနေခဲ့ပါတယ်။ ယနေ့မှာလည်း နွေဦးတော်လှန်ရေးပြုလုပ်ကြရင်း ပြည်၊မန္တလေးစတဲ့နေရာတွေမှာ ထိခိုက်ဒဏ်ရာတွေရရှိနေကြပါတယ်။ ပြည်သူတွေနဲ့အတူ ရပ်တည်လျက်ရှိနေတဲ့ ယွန်းယွန်းကတော့ အသက်ပေးလိုက်ရတဲ့ သူရဲကောင်းတွေအတွက် စိတ်မကောင်းဖြစ်နေခဲ့ပါတယ်။

ယခုမှာတော့ ယွန်းယွန်းတစ်ယောက်ဟာ  နွေဦးတော်လှန်ရေးမှာ ကျဆုံးသွားတဲ့သူရဲကောင်းတွေရဲ့ သားသမီးတွေကို ပညာရေးထောက်ပံ့ဖို့အတွက် မိသားစုဝင်ငွေထဲကနေ လစဥ်လှူဒါန်းမယ့်အကြောင်း ဖွင့်ဟလိုက်ပါတယ်။ သူမက " ဒါလေးကိုတော့ မပျက်မကွက် နောက်ဆုံးထွက်သက်ထိ...ပါဝင်ပါမည်နာကျင်သွေးပျက်ရတဲ့နေ့တွေ...အမြန်ကုန်လွန်ပါစေ ကတိပေးပါတယ် " ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။

သူမကတော့ " ဒီမိုကရေစီတိုက်ပွဲမှာ ကျဆုံးသွားတဲ့ သူတွေရဲ့ သားသမီးတွေ ပညာရေးကိုLifelong support လုပ်ပေးဖို့လိုတယ် မြင်မိပါတယ်။ အခြေအနေတွေ တည်ငြိမ်သွားရင် မိသားစု ဝင်ငွေထဲကနေ လစဉ်လှူဒါန်းဖို့ ကတိပြုပါတယ်။သဘောတူရင် ကူးတင်လို့ရပါတယ် သူတို့အနာဂတ်တွေ မပျက်စေဖို့ ဝိုင်းဝန်းကြမယ်နော် "ဆိုပြီး လူမှုကွန်ယက်စာမျက်နှာထက်မှာ ရေးသားထားခဲ့တာပဲဖြစ်ပါတယ်။ နွေဦးတော်လှန်ရေးဆင်နွှဲကြရင်း ကျဆုံးသွားကြတဲ့ သူရဲကောင်းတွေအားလုံး အေးငြိမ်းသောဘုံဘဝသို့ရောက်ရှိကြပါစေကြောင်း ဆုတောင်းမေတ္တာပို့သပေးလိုက်ရပါတယ်။

Source : Yoon Yoon ' s Facebook Acc