လူထုလှုပ်ရှားမှုမှာ ကြွေလွင့်ခဲ့တဲ့ ကိုကျော်ဇင်လတ်ရဲ့ နောက်ဆုံးခရီးအတွက် ပရိက္ခရာ(၈)ပါးနဲ့ အလှူငွေများ သွားရောက်လှူဒါန်းပေးခဲ့တဲ့ ဟိန်းဝေယံ

မင်းသား ဟိန်းဝေယံက အနုပညာအလုပ်တွေကို ဆယ်စုနီးပါးမက ကြိုးစားလုပ်ကိုင်လာခဲ့ပြီး ပရိသတ်တွေရဲ့ အချစ်တွေကိုသိမ်းပိုက်ထားတဲ့ အနုပညာရှင်တစ်ယောက်ပဲ ဖြစ်ပါတယ်။ လတ်တလော ဖြစ်ပေါ်နေတဲ့ ဒီမီုကရေစီအရေးမှာလည်း အမှန်တရားကို လိုလားကြတဲ့ ပြည်သူတွေနဲ့အတူ တစ်သားတည်းအပြည့်အဝရပ်တည်ပေးခဲ့ပါတယ်။ ဒါ့အပြင် လမ်းပေါ်က ရဲရဲဝံ့ဝံ့ လူထုလှုပ်ရှားမှုတွေမှာပါဝင်ကြတဲ့ ပြည်သူတွေအတွက်လည်း အာဟာရဒါန စားသောက်စရာများကို ကိုယ်တိုင်ကိုယ်ကျ ဝေငှလှူဒါန်းပေးခဲ့ပါတယ်။

ယခုမှာဆိုရင်လည်း ဟိန်းဝေယံက ပရိသတ်တွေကြည်နူးစေမယ့် နောက်ထပ် အလှူလေးတစ်ခုကို ထပ်မံပြုလုပ်ခဲ့ပါတယ်။ ဒီအလှူလေးကတော့ ပြီးခဲ့တဲ့ ရက်ပိုင်းက ဒီမီုကရေစီအရေးအတွက် လှုပ်ရှားပါဝင်ရင်း ရှေ့တန်းမှာ အသက်ပေးလိုက်ရတဲ့ အာဇာနည်သူရဲကောင်း ကိုကျော်ဇင်လတ်(ခ)ကိုခိုင်ထူးရဲ့ နောက်ဆုံးခရီးအတွက် ကျန်ရစ်ခဲ့တဲ့ မိသားစုဝင်များထံသို့ ပရိက္ခရာ(၈)ပါး၊ အလှူငွေ(၅)သိန်းနှင့် စားသောက်စရာများကို ကူညီလှူဒါန်းဖြစ်ပါတယ်။

ဒါ့အပြင် မိသားစုဝင်များကို အားပေးစကားပြောခဲ့ပြီး အာဇာနည် သူရဲကောင်း ကိုကျော်ဇင်လတ်ကို ကောင်းရာဘုံဘဝရောက်ရှိပါစေ ဆိုပြီး ဆုတောင်းပေးထားပါသေးတယ်။ ဟိန်းဝေယံက မကြာခဏဆိုသလို တတ်နိုင်သလောက် အလှူအတန်းတွေကိုလည်း ပြုလုပ်လှူဒါန်းပေးတာတွေ့ရပါတယ်။ ကဲ..ယခုမှာလည်း အာဇာနည်သူရဲကောင်း ကိုကျော်ဇင်လတ်အတွက် ဟိန်းဝေယံရဲ့ လှူဒါန်းပေးခဲ့တာကို ပြန်လည်ဖော်ပြပေးလိုက်ပါတယ်။

သတင်း အရင်းအမြစ်៖ Source - Heinn Wai Yan fb page