စူးရှထက်ကတော့ ခုလိုအခြေအနေတွေနဲ့ပတ်သက်ပြီး ပြည်သူတွေနဲ့ထပ်တူရပ်တည်ခဲ့သူတစ်ယောက်ပါ။ရရာနေရာကနေ လမ်းမပေါ်ထွက်ကာ လှုပ်ရှားမှုတွေပြုလုပ်ခဲ့တာကိုလည်းလေးစားစွာတွေ့မြင်ရပါတယ်။ ဒါ့အပြင် လမ်းမပေါ်ထွက်ကာ လှုပ်ရှားမှုပြုလုပ်နေတဲ့ သူရဲကောင်းတွေအပြင်  ညဘက်မှာ မိမိနေထိုင်ရာ ပတ်ဝန်းကျင်လုံခြုံမှုအတွက် ကင်းစောင့်ပေးကြတဲ့ ပြည်သူများကိုလည်း အစားအသောက်များကိုယ်တိုင်ချက်ပြုတ်ကာ လှူဒါန်းခဲ့ပါတယ်။

 Photo Credit : Zar Chi Facebook Account
 Photo Credit : Zar Chi Facebook Account

အခုဆိုရင် ရက်တွေများစွာကြာနေပြီဖြစ်တဲ့ ဒီလူထုလှုပ်ရှားမှုကြီးဟာအရင်လို ငြိမ်းချမ်းစွာမရှိတော့ဘဲ အပစ်အခတ်တွေ အတားအဆီးတွေကြောင့် ပြည်သူတွေဟာ အသက်တွေဆုံးရှုံးရသလို ညဘက်တွေဆိုရင်လည်း အိုးအိမ်ပစ္စည်းဥစ္စာတွေ အဖျက်အဆီးခံနေရတာကြောင့် ပြည်သူတွေဟာ စိုးရိမ်မှုတွေများစွာနဲ့နေ့ရောညပါနေထိုင်နေရတာပါ။ခုလိုအခြေအနေမျိုးကြီးမှာ အလုပ်အကိုင်တွေလည်း အလွယ်တကူမလုပ်နိုင်တာကြောင့် ပြည်သူ တစ်ချို့ဟာ စားဝတ်နေရေးအခက်အခဲတွေများစွာကိုကြုံတွေ့နေရတာလည်းဖြစ်ပါတယ်။

 Photo Credit : Zar Chi Facebook Account
 Photo Credit : Zar Chi Facebook Account

ဒီလိုအဆင်မပြေမှုတွေနဲ့ရင်ဆိုင်နေရတဲ့ လက်လုပ်လက်စား မိသားစုတွေကို ပြည်သူတွေကော အနုပညာရှင်တွေက တတ်နိုင်သလောက်ထောက်ပံ့ကာလှူဒါန်းမှုတွေမျိုးစုံလုပ်ပေးနေတာလည်း ဝမ်းသာစွာ တွေ့ရပါတယ်။အခုလည်း စူးရှထက်က လက်လုပ်လက်စား အိမ်ခြေတစ်ရာကျော်ကို အစားအသောက်များစွာသွားရောက်လှူဒါန်းခဲ့တာဖြစ်ပါတယ်။အလှူပုံလေးတွေနဲ့အတူ " ဒီနေ့အလှူလေးပါ လက်လုပ်လက်စားသမားလေးတွေပါ အိမ်ခြေတစ်ရာကျော်ရှိပါတယ် အခုလိုလာလှူပေးလို့ ထိုင်တောင်ကန်တော့ချင်တယ်တဲ့ နောက်ထပ်လာလှူမယ်လို့ ဂတိပေးထားခဲ့ပါတယ် စူးနဲ့အတူလှူကြရအောင်နော် ပါဝင်ပေးကြပါအုံး"ဆိုတဲ့စာလေးကိုလည်းဝေမျှထားရာ ပရိသတ်ကြီးအတွက်ပြန်လည်ဝေမျှပေးရင်း မြန်မာပြည်ကြီး အေးချမ်းပါစေ ဆုတောင်းပေးလိုက်ပါတယ်။

 Photo Credit : Zar Chi Facebook Account
 Photo Credit : Zar Chi Facebook Account

Source & Photo Credit : Zar Chi Facebook Account

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။