ပရိသတ်ကြီးရေ.. အနုပညာလောကမှာ အောင်မြင်မှုတွေအခိုင်အမာရရှိထားတဲ့ မော်လ်ဒယ်သရုပ်ဆောင်စူးရှထက်ကတော့ လက်ရှိအခြေအနေတွေမှာ ပြည်သူတွေနဲ့အတူရပ်တည်ပြီး လှုပ်ရှားမှုတွေမှာ ပါဝင်နေသူပဲ ဖြစ်ပါတယ်..။
ပြည်သူအားလုံးစည်းလုံးစွာပြုလုပ်ကြတဲ့ တော်လှန်ရေးတိုက်ပွဲကြီးမှာ လမ်းပေါ်ထွက်လှုပ်ရှားမှုတွေအပြင် အလှူအတန်းတွေလည်းဆက်တိုက်ပြုလုပ်နေပြီး တတ်နိုင်တဲ့ဘက်ကနေ အဖက်ဖက်က အားဖြည့်ပါဝင်နေတာလည်း တွေ့ရပါတယ်..။
အလှူရှင်တွေနဲ့စုပေါင်းလှူဒါန်းမှုတွေအပြင် သူမရဲ့ချွေးနည်းစာငွေကြေးတွေနဲ့လည်း တစ်ဦးတည်းလှူဒါန်းမှုတွေပြုလုပ်နေတဲ့ စူးရှထက်ကတော့ အခုတစ်ခါမှာလည်း သူမရဲ့ကားကိုရောင်းပြီး ထပ်မံလှူသွားဦးမယ့်အကြောင်းတွေကို ပြောပြလာပါတယ်..။
နေ့မနားညမနားရှာဖွေစုဆောင်းပြီး ချွေးနည်းစာငွေကြေးတွေနဲ့ဝယ်ထားတဲ့ ကားကိုပြန်ရောင်းကာ ရရှိတဲ့ငွေအားလုံးကို လိုအပ်နေတဲ့ပြည်သူတွေအတွက် ထပ်မံကူညီလှူဒါန်းသွားမှာဖြစ်ပါတယ်..။
"အလှူပုံတွေမတင်တော့ပါဘူး
စိတ်ပူပေးကြတဲ့သူတွေကိုလဲကျေးဇူးတင်ပါတယ်
နေ့မနားညမနားဈေးရောင်းလို့ရတဲ့ပိုက်ဆံလေးနဲ့
ကားဝယ်ခဲ့တယ် အဲ့ကားလေးရောင်းလို့ရတဲ့ငွေကို
အကုန်လှူမယ် ကျွန်မကိုထမင်းကျွေးထားတဲ့ပြည်သူတွေ
ကျွန်မတတ်နိုင်သလောက်ပြန်ကူညီပါ့မယ်
ကတိပေးပါတယ်???.." ဆိုပြီး စူးရှထက်က သူမရဲ့ဖေ့စ်ဘွတ်စာမျက်နှာကနေ ရေးသားပြောပြထားတာပါ..။
ရှိတာတွေရောင်းချပြီး ပြည်သူတွေအတွက် တစ်ဖက်တစ်လမ်းကနေ အတတ်နိုင်ဆုံးကြိုးစားလှူဒါန်းနေတဲ့ စူးရှထက်ရဲ့ စိတ်သဘောထားတွေကိုလည်း အားလုံးကချီးကျူးကာ အားပေးစကားတွေလည်းပြောထားကြတာ ဖြစ်ပါတယ်..။
သတင်း အရင်းအမြစ်៖ Zar Chi's Fb Acc