လက်ရှိအခြေအနေမှာဆိုရင်တော့ ပြည်သူတွေက အချင်းချင်းဝိုင်းဝန်းကူညီကြပြီး အမှန်တရားအတွက် ဆက်လက်ရင်ဆိုင်နေကြတာပဲဖြစ်ပါတယ်။မြန်မာပြည်တွင်းကလူတွေကိုကူညီပေးဖို့အတွက် ပြည်ပရောက်မြန်မာလူမျိုးတွေကပါ အလှူငွေတွေလှူဒါန်းပြီး တစ်တပ်တစ်အားပါဝင်အားဖြည့်ပေးကြတာဖြစ်ပါတယ်။လတ်တလောမှာဆိုရင်တော့ ကရင်ပြည်နယ်က ရွာတချို့မှာ စစ်ဘေးဒုက္ခကိုခံစားနေရတာဖြစ်လို့ ပြည်သူလူထုကလည်း ကရင်တိုင်းရင်းသားတွေရဲ့ သောကအပူမီးတွေကို မျှဝေခံစားပေးနေကြတာဖြစ်ပါတယ်။
ပြည်သူတွေကတော့ စစ်ဘေးရှောင်ပြည်သူတွေကိုကူညီပေးဖို့အတွက် လူမှုကွန်ယက်စာမျက်နှာပေါ်မှာအလှူခံကြတာကြောင့် စေတနာရှင်ပြည်သူတစ်စုကလည်း အားတက်သရောပါဝင်လှူဒါန်းကြတာ ဖြစ်ပါတယ်။အဝတ်တစ်ထည်၊ကိုယ်တစ်ခုနဲ့ တောထဲပြေးပုန်းရတဲ့ စစ်ဘေးရှောင်ပြည်သူတွေကို အဝတ်အစားတွေနဲ့ အမျိုးသမီးအသုံးအဆောင်ပစ္စည်းတွေကိုလည်းလှူဒါန်းကြတာ ဖြစ်ပါတယ်။အခုဆိုရင်တော့ မြို့နယ်အစုံကလှူဒါန်းကြတဲ့အမျိုးသမီးအဝတ်အထည်တွေကို ယောက်ျားလေးတစ်စုက သေသေချာချာသန့်ပြီး ကလေးဝတ်၊လူကြီးဝတ်ခွဲကာပြင်ဆင်နေကြတာဖြစ်ပါတယ်။
ယောက်ျားလေးတစ်စုကတော့” ဘုန်းတွေကံတွေဆိုတာ ကိုယ့်စိတ်ပေါ်ပဲမူတည်တာမို့ စိတ်သန့်သန့်နဲ့ပဲ အားလုံးဝိုင်းဝန်းလုပ်ကြတယ်”ဆိုပြီး စစ်ဘေးရှောင်ပြည်သူတွေကို လှူဒါန်းဖို့အတွက်သာ စိတ်အားထက်သန်နေကြတာဖြစ်ပါတယ်။နောက်ထပ်လည်း ကလေးငယ်လေးတွေအတွက် အရုပ်လေးတွေလှူချင်သေးတယ်ဆိုပြီး အလှူခံလာတာကြောင့် (ကိုကောင်းဆက်ဝေ၊092032379၊မြစ်ကြီးနား)ကို ပိုရင်လှူပေးကြဖို့အတွက် မေတ္တာရပ်ခံရင်း ပြန်လည်မျှဝေပေးလိုက်ပါတယ်။
Source&Photo Credit: Original Uploder