April လ 13 ရက်နေ့ မနက်ပိုင်း twitter ပေါ်မှာတော့ ယမန်နေ့ညက ကချင်ပြည်နယ်မှာ ဗုံးတွေ ၊ သေနတ်တွေနဲ့ ပစ်ခတ်တိုက်ခိုက်မှုတွေ ဖြစ်ပွားခဲ့တဲ့ အသံတွေကြားရတယ်ဆိုတဲ့ သတင်းတွေ တက်နေတာကို တွေ့ရပါတယ်။

ဒီအသံတွေကို ကချင်ပြည်နယ်ရဲ့ မြို့တော် မြစ်ကြီးနားကနေတောင် ကြားရတယ်လို့ သိရပြီးပစ်ခတ်မှုတွေနဲ့ ပတ်သတ်ပီးတော့ တိတိကျကျသေသေချာချာတော့ မသိရသေးပါဘူး။

နောက်ထပ်သတင်းတစ်ပုဒ်အနေနဲ့ကတော့ ဒီကနေ့ မနက်ပိုင်းက မြန်မာနိုင်ငံအတွင်းက ပြည်သူအချို့ဟာ အတာအိုးတွေကို ကိုင်ဆောင်ကာ နှစ်ကူးသင်္ကြန် မဟုတ်ပဲ တော်လှန်သင်္ကြန် အဖြစ် ဆန္ဒထုတ်ဖော်ခဲ့ကြပါတယ်။

ဆန္ဒထုတ်ဖော်တဲ့ ပြည်သူတွေဟာ အတာအိုးတွေကို ဆေးအနီသုတ်ကာ တော်လှန်သင်္ကြန် ၊ နွေးဦးတော်လှန်ရေး ၊ three finger sign စသည်တို့ကိုရေးဆွဲကာ ဆန္ဒဖော်ထုတ်ခဲ့ကြတာကို တွေ့ရပါတယ်။

နောက်ထပ်အနေနဲ့ကတော့ ယမန်နေ့ညက စမ်းချောင်းမှာ ပြည်သူတစ်ဦး သေနတ်နဲ့ အပစ်ခံရတဲ့ သတင်းတွေလည်း ပြန့်နေတာကို တွေ့ရပါတယ်။

ဒီဖြစ်ရပ်ဟာ ဇေယျသုခလမ်းထဲမှာ ဖြစ်ပွားခဲ့တာဖြစ်ပြီး အပစ်ခံရတဲ့အမျိုးသား ကားပေါ်တင်ကာ ဖမ်းဆီးခေါ်ဆောင်သွားခံခဲ့ရတယ်လို့ သိရပါတယ်။ အပစ်ခံရတဲ့အကြောင်းရင်းကို သေချာမသိရသေးပေမယ့် ၄င်း အမျိုးသားဟာ ည ၁၀ နာရီ ၄၅ မိနစ်လောက်မှာ အပစ်ခံရတာဖြစ်ပြီး ၁၁ နာရီလောက်မှာ ဖမ်းဆီးခေါ်ဆောင်သွားခံခဲ့ရတာ ဖြစ်တယ်လို့ သိရပါတယ်။

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။