လက်ရှိအချိန်မှာဆိုရင် ပြည်သူလူထုကတော့ မိမိတို့ရဲ့အသက်ကိုလည်းစွန့်လွှတ်ရဲတဲ့စိတ်ဓာတ်နဲ့ လမ်းပေါ်ထွက်ပြီး အများအကျိုးအတွက်သယ်ပိုးဆောင်ရွက်နေကြတာဖြစ်ပါတယ်။ပြည်သူတိုင်းနီးပါးက ကျရာတာဝန်ကိုကျေပွန်အောင် ထမ်းဆောင်ကြပြီး အကုန်လုံးစည်းစည်းလုံးလုံးရှိနေကြတာ ဖြစ်ပါတယ်။ဒါ့ကြောင့်လည်း (၂)လကျော်ကြာသွားပြီဖြစ်တဲ့ ဒီအခြေအနေမှာ ပြည်သူတွေက ကိုယ်စွမ်း၊ဉာဏ်စွမ်းရှိသလောက် ကြိုးစားကြပြီးအချင်းချင်းရိုင်းပင်းကူညီပေးနေကြတာ ဖြစ်ပါတယ်။
ယနေ့အချိန်ထိဆိုရင် အသက်ပေးသွားရတဲ့သူရဲကောင်းတွေလည်း (၇၀၀)ကျော်နေပြီဖြစ်ပြီး တချို့အိမ်တွေဆိုမိသားစုဝင်မစုံတော့တာဖြစ်ပါတယ်။ပြည်သူလူထုကတော့ ကျဆုံးသူရဲကောင်းတွေရဲ့ ကျန်ရစ်သူမိသားစုဝင်တွေကို အားပေးနှစ်သိမ့်ကြပြီး တတ်နိုင်သလောက်ကူညီပေးကြတာဖြစ်ပါတယ်။ဒါ့အပြင်လည်း ကျဆုံးသူရဲကောင်းတွေ အသက်ပေးရတာနဲ့တန်အောင်လို့ ဒီနေ့အချိန်ထိတိုင် လှုပ်ရှားနေကြဆဲဖြစ်ပါတယ်။တချို့မိဘတွေဆိုရင် မိမိတို့ရဲ့အဖိုးတန်သားသမီးလေးတွေကို ဆုံးရှုံးလိုက်ရလို့ ရင်ကွဲမတတ်ခံစားနေရတာဖြစ်ပါတယ်။
မန္တလေးမြို့မှာဆိုရင်လည်း လူထုလှုပ်ရှားမှုမှာပါဝင်ရင်း အသက်ပေးသွားရတဲ့သူရဲကောင်းတွေလည်း အများအပြားရှိနေပြီဖြစ်ပါတယ်။ကျဆုံးသူရဲကောင်းတွေကို ပြည်သူလူထုကလည်း အမြဲအောက်မေ့သတိရပြီး ကျန်ရစ်သူမိသားစုဝင်တွေနဲ့ထပ်တူ ဝမ်းနည်းနာကျင်နေရတာပဲဖြစ်ပါတယ်။ကျဆုံးသူရဲကောင်းတွေရဲ့အုတ်ဂူလေးတွေကတော့ ပြည်သူတွေရဲ့ရင်ထဲမှာသမိုင်းတွင်ကျန်ရစ်နေမှာပဲဖြစ်ပါတယ်။မိမိတို့ရဲ့ မိသားစုတွေဆီ ဘယ်တော့မှပြန်မလာနိုင်တော့တဲ့ သူရဲကောင်းတွေရဲ့အုတ်ဂူလေးတွေကို ဝမ်းနည်းစွာနဲ့ပြန်လည်မျှဝေပေးလိုက်ပါတယ်။
Source&Photo Credit: Original Uploder