ပရိသတ်ကြီးရေ.. အနုပညာလောကမှာ လူငယ်အကြိုက်သီချင်းကောင်းတွေသီဆိုပြီး အောင်မြင်မှုတွေ အထိုက်အလျောက်ရရှိထားတဲ့ အဆိုတော်ရသကတော့ ဒီကနေ့မှာပဲ ပြန်လည်လွတ်မြောက်လာပြီ ဖြစ်တယ်လို့ သိရပါတယ်..။

အဆိုတော်ရသကတော့ မူးယစ်ဆေးဝါးမှုနဲ့ အရေးယူအကျဉ်းချခံထားရတာဖြစ်ပြီး မြန်မာတို့ရဲ့နှစ်သစ်ကူးအချိန်အခါဖြစ်တဲ့ ဒီကနေ့ ဧပြီလ(၁၇)ရက် နှစ်ဆန်းတစ်ရက်နေ့မှာတော့ လွတ်ငြိမ်းချမ်းသာခွင့်နဲ့ ပြန်လည်လွတ်မြောက်လာတာ ဖြစ်ပါတယ်..။

Photo Credit - Ya Tha's Fb Page
Photo Credit - Ya Tha's Fb Page

အဆိုတော်ရသပြန်လည်လွတ်မြောက်လာတဲ့ သတင်းကောင်းကိုတော့ အဆိုတော်အာဘွိုင်းက ပြီးခဲ့တဲ့ မိနစ်ပိုင်းအတွင်းကပဲ သူ့ရဲ့ဖေ့စ်ဘွတ်စာမျက်နှာကနေ ပရိသတ်တွေကို ဝေမျှအသိပေးပြောပြထားတာပဲ ဖြစ်ပါတယ်..။

အကျဉ်းထောင်၊ အချုပ်ထောင်၊ အကျဉ်းစခန်းအသီးသီးမှာ အကျဉ်းကျခံနေရတဲ့ အကျဉ်းသား၊ အကျဉ်းသူ နှစ်သောင်းသုံးထောင်ကျော်ကို လွှတ်ပေးခဲ့တာဖြစ်ပြီး အဆိုပါလွတ်ငြိမ်းချမ်းသာခွင့်ရရှိသူတွေထဲမှာ ရသကလည်း တစ်ယောက်အပါအဝင်ပဲ ဖြစ်ပါတယ်..။

Photo Credit - Ya Tha's Fb Page
Photo Credit - Ya Tha's Fb Page

"ဒီနေ့ အတွက် သတင်းကောင်း

ရသ ပြန်လွတ်ပြီ။ ✌🏻.." ဆိုပြီး အဆိုတော်အာဘွိုင်းက ပရိသတ်တွေကို အသိပေးပြောပြပြထားတာဖြစ်ပြီး အားလုံးကလည်း ရသအတွက် ဝမ်းသာနေကြတာပါ..။

အခုလို ပျော်စရာတွေနည်းပါးနေတဲ့အချိန်မှာ အဆိုတော်ရသပြန်လည်လွတ်မြောက်လာတဲ့ သတင်းကောင်းကတော့ ပရိသတ်တွေကလည်း ဝမ်းသာကြတဲ့အကြောင်း အားလုံးကလည်း Comment တွေမှာ ရေးသားထားကြတာ တွေ့ရပါတယ်..။

Photo Credit - Ya Tha's Fb Page
Photo Credit - Ya Tha's Fb Page

သတင်းအရင်းမြစ်: Kyaw Phyo Tun's Fb Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။