ပရိသတ်တွေရဲ့တစ်ခဲနက်အားပေးချစ်ခင်မှုတွေကို အခိုင်အမာရရှိထားတဲ့ ဝါရင့်သရုပ်ဆောင်အနုပညာရှင်တစ်ဦးဖြစ်တဲ့ ခင်လှိုင်ကတော့ လတ်တလောဖြစ်ပေါ်နေတဲ့ အခြေအနေတွေနဲ့ပတ်သက်ပြီး ပြည်သူတွေနဲ့အတူ ရပ်တည်နေကြတာပဲ ဖြစ်ပါတယ်..။

ခင်လှိုင်တို့ဇနီးမောင်နှံအပြင် သားဖြစ်သူနေရဲနဲ့ သမီးဖြစ်သူသဇင်ထူးမြင့်တို့ကလည်း ပြည်သူတွေအားလုံးနဲ့အတူ တော်လှန်ရေးတိုက်ပွဲကြီးမှာ လမ်းပေါ်ထွက်လှုပ်ရှားမှုတွေအပြင် လှူဒါန်းမှုတွေပြုလုပ်ကာ တတ်နိုင်လောက် အားဖြည့်ပါဝင်ခဲ့ကြတာလည်း တွေ့ရပါတယ်..။

Photo Credit - Thazin Htoo Myint's Fb Acc

အခြေအနေတွေအမျိုးမျိုးကြောင့် ရှောင်တိမ်းနေရတဲ့အချိန်မှာတောင် သင်္ကြန်မှာ ပျော်နေတယ်ဆိုတဲ့ ကောလဟာလသတင်းအမှားတွေနဲ့ ပတ်သက်ပြီး သဇင်ထူးမြင့်က သူမရဲ့ဖေ့စ်ဘွတ်စာမျက်နှာကနေ ပြတ်ပြတ်သားသားပြောလာပါတယ်..။

"ဖေဖေကသင်္ကြန်မှာပျော်နေပြီလေ ဝမ်းနည်းနေတုန်းလား" ဆိုပြီး လာပြောတဲ့သူကို မိသားစုလိုက်အခက်အခဲဖြစ်နေတဲ့ အခုလိုအချိန်မှာ ခနဲ့သလို ရွဲ့သလိုမပြောကြဖို့၊ ခံယူချက်ချင်းမတူတဲ့သူတွေနဲ့ မခိုင်းနှိုင်းဖို့ကိုလည်း ပြတ်ပြတ်သားသား သတိပေးပြောလိုက်တာပဲ ဖြစ်ပါတယ်..။

Photo Credit - Thazin Htoo Myint's Fb Acc
Photo Credit - Thazin Htoo Myint's Fb Acc

"ဒီချိန်မှာ ခနဲ့သလို ရွဲ့သလိုတွေလာမလုပ်နဲ့နော် ...

ပြေးလိုက်ရပုန်းလိုက်ရနဲ့နေနေရတာ...ဒုက္ခမျိုးစုံရောက်နေရတာ ကိုယ်တွေပဲသိတယ်

ဒီနေ့ ဖေဖေ့မွေးနေ့တောင် မိသားစုတွေမဆုံနိုင်လို့

စိတ်မကောင်းဖြစ်နေရတာ

ခွေးထပ်မိုက်တဲ့ ကောင်တွေလုပ်တဲ့

ဘယ်ပွဲမှသွားစရာအကြောင်းမရှိဘူး...အသားထဲကလောက်ထွက်တဲ့ကောင်တွေ သေအောင်ရွံတယ်...

မနှိုင်းစမ်းပါနဲ့ အဲ့လိုစိတ်ဓာတ်ရှိတဲ့ကောင်တွေနဲ့🤢.."ဆိုပြီး သဇင်ထူးမြင့်က ရေးသားပြောပြထားတာပါ..။

သူမရဲ့ပို့စ်အောက်မှာတော့ ပရိသတ်တွေကလည်း အခုလိုအချိန်မှာ အားပေးစကားတွေနဲ့အတူ အစစအရာရာဂရုစိုက်ကြဖို့ပြောထားရင်း အန္တရာယ်ကင်းဘေးရှင်းကြစေဖို့ကိုလည်း ဆုတောင်းစကားတွေ ပြေထားကြတာ တွေ့ရပါတယ်..။

Photo Credit - Thazin Htoo Myint's Fb Acc
Photo Credit - Thazin Htoo Myint's Fb Acc

သတင်းအရင်းမြစ်: Thazin Htoo Myint's Fb Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။