ပရိသတ်ကြီးရေ.. ဂီတလောကမှာ အသံပါဝါကောင်းကောင်းနဲ့ သီချင်းကောင်းတွေ သီဆိုတတ်မှုတွေကြောင့် အောင်မြင်မှုတွေများစွာ ရရှိထားတဲ့ အဆိုတော်ထူးအယ်လင်းကတော့ ပြည်သူတွေနဲ့အတူ ရပ်တည်နေသူပဲ ဖြစ်ပါတယ်..။
လက်ရှိအခြေအနေတွေမှာ လိုအပ်နေတဲ့ ပြည်သူတွေအတွက် လှူဒါန်းမှုတွေကို ဆက်တိုက်လုပ်ဆောင်နေသလို ပရဟိတအလုပ်တွေကိုလည်း အားကြိုးမာန်တတ်နဲ့ အင်တိုက်အားတိုက်ပြုလုပ်နေသူလည်း ဖြစ်ပါတယ်..။
ထူးအယ်လင်းကတော့ လတ်တလောမှာလည်း ၇ရက်သားသမီးပြည်သူတွေနဲ့အတူ စာသင်ကျောင်းဆောက်လုပ်လှူဒါန်းပြီး လိုအပ်နေတဲ့နေရာတွေမှာ လိုအပ်သလိုဖြည့်ဆည်းကာ ဖေးမကူညီနေတာလည်း ဖြစ်ပါတယ်..။
ခုနှစ်ရက်သားသမီး အလှူရှင်တွေစုပေါင်းအင်အားနဲ့ ပေ ၃၀/ပေ ၆၀ တွဲဘက်မူလတန်းကျောင်း ဆောက်လုပ်လှူဒါန်းနေတာဖြစ်ပြီး အလှူပုံရိပ်တွေကိုလည်း ဗီဒီယိုဖိုင်နဲ့အတူ ပရိသတ်တွေကိုဝေမျှထားပါသေးတယ်..။
"ခုလို အလှုပြုရလို့ စိတ်ချမ်းသာပါတယ်...
ကျေးဇူးတင်ပါတယ်ဗျ?
နတ် လူ ဘီလူး ကုသိုလ်အမျှရကြပါစေ ?.." ဆိုပြီး အလှူဗီဒီယိုဖိုင်ကို မျှဝေထားတာ ဖြစ်ပါတယ်..။
လိုအပ်နေတဲ့ စာသင်ကျောင်းလေးကို ဆောက်လုပ်လှူဒါန်းပြီး ကုသိုလ်ယူခဲ့တဲ့ ထူးအယ်လင်းနဲ့အလှူရှင်တွေရဲ့ အလှူကုသိုလ်တွေကိုလည်း ပရိသတ်တွေအားလုံးက သာဓုခေါ်ဆုတောင်းပေးထားကြတာလည်း တွေ့ရပါတယ်..။
သတင်း အရင်းအမြစ်៖ Htoo El Lynn's Fb Acc