ပြီးခဲ့တဲ့ရက်ပိုင်းလောက်ကစပြီး ဆန္ဒထုတ်ဖော်တဲ့ သပိတ်စစ်ကြောင်းတွေဟာ တစ်နိုင်ငံလုံးအတိုင်းအတာအနေနဲ့ တော်တော်လေးပြန်လည် အားကောင်းလာတာကို တွေ့ရပါတယ်။
ဒီကနေ့ ဧပြီလ ၂၆ ရက်နေ့မှာဆိုရင်လည်း ရန်ကုန်မြို့အတွင်းမှာ သပိတ်စစ်ကြောင်းတွေထွက်ရှိခဲ့ပြီး အောင်မြင်စွာ ဆန္ဒထုတ်ဖော်နိုင်ခဲ့တယ်လို့ သိရပါတယ်။
ရန်ကုန်မြို့အတွင်းက ဗညားဒလလမ်းမပေါ်မှာဆိုရင်လည်း လူငယ်တွေဦးဆောင်တဲ့ ရန်ကိုကုန်အောင်ရှင််းမယ့်ရန်ကုန်သပိတ်စစ်ကြောင်း နဲ့ စမ်းချောင်းပင်မသပိတ်စစ်ကြောင်းတို့ ပူးပေါင်းဆန္ဒထုတ်ဖော်ခဲ့သလို အင်းစိန်မြို့နယ် ၊ကြည့်မြင်တိုင်မြို့နယ်နဲ့ အခြားသောမြို့နယ်အချို့မှာလည်း ဆန္ဒထုတ်ဖော်ခဲ့ကြတယ်လို့ သိရပါတယ်။
မန္တလေးမှာဆိုရင်လည်း ဗမာနိုင်ငံလုံးဆိုင်ရာ ကျောင်းသားသမ္ဂအဖွဲ့ချုပ် ၊ မန္တလေး သံယသမဂ္ဂ ၊ မန္တလေးတက္ကသိုလ် ကျောင်းသားသမဂ္ဂ အဖွဲ့ဝင်တွေပါတဲ့ သပိတ်စစ်ကြောင်းအပြင် အခြားသောဆန္ဒထုတ်ဖော်တဲ့ သပိတ်စစ်ကြောင်းတွေ ဒီကနေ့မှာထွက်ရှိခဲ့တယ်လို့ သိရပါတယ်။
ဒီကနေ့မှာ ရန်ကုန် ၊ မန္တလေးအပြင်
နောင်ချို ၊ မြစ်ကြီးနား ၊ ကျောက်မဲ ၊လွိုင်ကော် ၊မုံရွာ၊ ပုဂံနဲ့ အခြားသောမြို့တော်တော်များများမှာလည်း ဆန္ဒထုတ်ဖော်မှုတွေ ရှိနေပါတယ်လို့ သိရပါတယ်။
တစ်နိုင်ငံလုံးမှာ ဆန္ဒထုတ်ဖော်တဲ့ သပိတ်စစ်ကြောင်းတွေ ထွက်ရှိတိုင်း အပြင်းအထန် ဖြိုခွဲခံနေရပေမယ့် အခုလို အားကောင်းကောင်းနဲ့ ပြန်လည်ထွက်ပေါ်လာတဲ့ ပြည်သူတွေရဲ့ သတ္တိကတော့ လေးစားစရာပါပဲ။