"Generation Z" လို့ခေါ်တဲ့ လူငယ်တွေကတော့ လူထုလှုပ်ရှားမှုပွဲတွေမှာ ဦးဆောင်နေကြပြီး ကိုယ့်နိုင်ငံအတွက် အားကြိုးမာန်တက် ဆောင်ရွက်နေကြတာပဲ ဖြစ်ပါတယ် ။ ပြည်သူအားလုံးရဲ့မျှော်လင့်ချက် အိပ်မက်တွေအတွက် ကြိုးပမ်းနေကြတဲ့သူတွေထဲမှာ Gen Z တွေသာမက ငယ်ရွယ်သေးတဲ့ Gen Alpha လေးတွေလည်း ပါဝင်နေကြတာ ဖြစ်ပါတယ် ။ နိုင်ငံအတွက် မျိုးဆက်သစ်လေးတွေဖြစ်ကြတဲ့ Gen Alpha တွေက ပြည်သူတွေကို သူတို့တတ်နိုင်သလောက် အားဖြည့်ပေးနေတာ ဖြစ်ပါတယ် ။
အခုလည်း အမေရိကန်မှာနေထိုင်တဲ့ Gen Alpha လေးတစ်ယောက်က သူ့ရဲ့မွေးရပ်မြေဖြစ်တဲ့ မြန်မာနိုင်ငံက ပြည်သူတွေကို ကူညီဖို့အတွက် စဥ်းစားကြံဆခဲ့တာ ဖြစ်ပါတယ် ။ အဲ့ဒီကလေးလေးက အမေရိကန်သမ္မတ ဂျိုးဘိုင်ဒန်ဆီကို စာတစ်စောင်ရေးသားပေးပို့ပြီး အကူအညီတောင်းခံခဲ့တာ ဖြစ်ပါတယ် ။ အသက် (၈) နှစ်အရွယ်လေးနဲ့ ပြည်သူတွေကို ကူညီဖို့ ကြိုးစားအားထုတ်ခဲ့တဲ့ ကလေးလေးရဲ့လုပ်ရပ်က ချီးကျူးချင်စရာကောင်းနေတာ ဖြစ်ပါတယ် ။
အဲ့ဒီကလေးလေးက မြန်မာနိုင်ငံမှာ ဖြစ်ပေါ်နေတဲ့ အခြေအနေတွေကို စာထဲမှာရေးသားပြောပြပြီး ပြည်သူတွေကိုယ်စား တောင်းဆိုပေးထားတာပဲ ဖြစ်ပါတယ် ။ အိမ်ဖြူတော်က ရဲကလည်း ကလေးလေးရဲ့စာကို သမ္မတဂျိုးဘိုင်ဒန်ဆီ ပေးပေးမယ်ဆိုပြီး ယူသွားခဲ့တာ ဖြစ်ပါတယ် ။ "ရောက်မရောက်တော့ မသိဘူး။ ကလေးစိတ်ထဲမှာ မြန်မာနိုင်ငံကို သူကူညီပေးနိုင်တယ်ဆိုတဲ့စိတ်လေးတော့ဝင်သွားတယ်။ " ဆိုပြီး ကလေးလေးရဲ့မိခင်ဖြစ်သူက လူမှုကွန်ယက်စာမျက်နှာထက်မှာ ပြန်လည်မျှဝေခဲ့တာပဲ ဖြစ်ပါတယ်။
Source & Video Credit-Original Uploader