မြန်မာလူမျိုးတွေခွန်အားဖြစ်အောင်လို့ မြန်မာစာလုံးလေးတွေကို ညီညာလှပအောင်ရေးပြီး အားပေးစကားပြောလိုက်ကြတဲ့ ကိုရီးယားလူမျိုးကလေးများ

ပြည်သူလူထုက နေ့ရောညပါ အင်တိုင်အားတိုက် ကြိုးပမ်းနေတာကြောင့် လက်ရှိမြန်မာ့အရေးကို တချို့နိုင်ငံတွေကပါ သိမြင်လာပြီး ပူပေါင်းပေးနေကြတာဖြစ်ပါတယ်။မြန်မာ့အရေးကိစ္စအတွက် တောင်ကိုရီးယားနိုင်ငံဆိုရင်မြန်မာလူမျိုးတွေကို ကိုယ်ချင်းစာနာစိတ်ထားပြီး ကူညီပေးနေကြတာဖြစ်ပါတယ်။တောင်ကိုရီးယားနိုင်ငံမှာ ခေတ္တရောက်ရှိနေကြတဲ့ မြန်မာလူမျိုးတွေကလည်း မိမိတို့အမိမြေအတွက် တတ်နိုင်တဲ့ဝန်ကိုထမ်းပြီး အဘက်ဘက်ကနေ ပါဝင်အားဖြည့်ပေးနေကြတာ ဖြစ်ပါတယ်။

မြန်မာပြည်သူ၊ပြည်သားတွေကတော့ တောင်ကိုရီးယားပြည်သူတွေရဲ့ ကူညီပေးမှုကို စိတ်ရင်းအမှန်နဲ့ ကျေးဇူးတင်နေကြတာဖြစ်ပါတယ်။အခုဆိုရင်လည်း တောင်ကိုရီးယားနိုင်ငံရဲ့ ဒေါ့ဆန်းအထက်တန်းကျောင်းက ကျောင်းသား၊ကျောင်းသူတွေက မြန်မာစာလုံးလေးတွေကို ညီညာလှပအောင်ရေးပြီး မြန်မာနိုင်ငံသားတွေအတွက် ခွန်အားဖြစ်အောင် အားပေးစကားလေးတွေရေးပေးထားကြတာဖြစ်ပါတယ်။ကလေးတွေကတော့ အတန်းထဲမှာလည်း စာသင်ချိန်ဆိုရင် မြန်မာနိုင်ငံနဲ့ ပတ်သက်တာလေးတွေကို စိတ်ပါဝင်စားစွာနားထောင်ပြီး ဆွေးနွေးကြတာဖြစ်ပါတယ်။

အခုလိုမျိုး ကျောင်းသား၊ကျောင်းသူလေးတွေကအစ လူကြီးလူငယ်မရွေး မြန်မာ့အရေးကို အလေးထားပြီးစာနာစိတ်အပြည့်နဲ့ကူညီပေးနေကြတဲ့ တောင်ကိုရီးယားနိုင်ငံသားတွေရဲ့ စိတ်ဓာတ်ကလေးစားဖို့ကောင်းပါတယ်။မြန်မာလူမျိုးတွေရဲ့ လက်ရှိကြုံတွေ့နေရတဲ့ အခြေအနေအတွက် တချို့နိုင်ငံက နိုင်ငံခြားသားတွေကလည်းအားပေးစကားလေးတွေပြောပေးထားကြတာဖြစ်ပါတယ်။တောင်ကိုရီးယားနိုင်ငံရဲ့ကလေးတွေကအစ မြန်မာလူမျိုးတွေကို အားပေးစကားလေးတွေရေးပေးထားကြတဲ့ ပုံရိပ်လေးတွေကို ပီတိဖြစ်စွာနဲ့ ပြန်လည်မျှဝေပေးလိုက်ပါတယ်။

Source&Photo Credit: Original Uploder