ဒီကနေ့ ဧပြီလ ၃၀ ရက်နေ့ မှာတော့ ရန်ကုန်မြို့လယ်ခေါင်မှာ ဆန္ဒထုတ်ဖော်တဲ့ သပိတ်စစ်ကြောင်းတွေ ထွက်ရှိခဲ့ပါတယ်။
ဒီသပိတ်စစ်ကြောင်းအတွင်းမှာတော့
ရန်ကုန်တိုင်းအတွင်းကမြို့နယ်တွေက GenZ လူငယ်တွေပါဝင်ခဲ့ပြီး မိုးတွေရွာနေတဲ့ကြားကနေ ရအောင်ဆန္ဒထုတ်ဖော်ခဲ့ကြတယ်လို့ သိရပါတယ်။
လူငယ်တွေဟာ သည်းထန်စွာရွာသွန်းနေတဲ့ မိုးစက်တွေအောက်မှာ ကြွေးကျော်သံတွေကို သံပြိုင်ဟစ်ကြွေးခဲ့ပြီး လူထုဆန္ဒကိုရအောင်ဖော်ထုတ်ခဲ့ကြပါတယ်။
ဒါပေမယ့် စစ်ကြောင်းစပြီးခဏ အကြာမှာပဲ ဖြိုခွဲခံခဲ့ရသလို လူအနည်းငယ် ဖမ်းဆီးခံခဲ့ရတယ်လို့ သိရပါတယ်။
ဒီကနေ့ တောင်ဒဂုံမြို့နယ်မှာထွက်ရှိတဲ့ သပိတ်စစ်ကြောင်းကလည်း ဖြိုခွဲခံခဲ့ရတယ်ဆိုပေမယ့်
ရန်ကုန်တိုင်းအတွင်းက မြို့နယ်တော်တော်များများမှာ ပြောက်ကျားသပိတ်တွေထွက်ရှိခဲ့ပြီး တစ်နေ့ထက်တစ်နေ့ပိုအားကောင်းလာတာ တွေ့ရပါတယ်။
ဒါ့အပြင် မြန်မာတစ်နိုင်ငံလုံးက မြို့နယ်တော်တော်များများမှာလည်း ဖြိုခွဲဖမ်းဆီးခံနေရတဲ့ကြားထဲက ဆန္ဒထုတ်ဖော်မှုတွေ ပိုမိုအားကောင်းလာတာက လူငယ်တွေအတွက် အားတက်စရာတစ်ခုပါပဲ။