တစ်နိုင်ငံလုံးအတိုင်းအတာအနေနဲ့ အထွေထွေသပိတ်တွေ ပြန်လည်အားကောင်းလာတဲ့အချိန်ကစပြီး ရန်ကုန်မြို့အတွင်းမှာလည်း လူငယ်တွေဟာ အမျိုးမျိုးသောပုံစံတွေနဲ့ နေ့တိုင်း ဆန္ဒထုတ်ဖော်လာကြပါတယ်။
ဒီကနေ့ မေလ ၁ ရက်နေ့မနက်ပိုင်းမှာဆိုရင်လည်း ရွှေပြည်သာ မြို့နယ်ကလူငယ်အချို့ဟာ ဆန္ဒထုတ်ဖော်ခဲ့ကြပါတယ်။
၁၂ ယောက်ဝန်းကျင်လောက်ရှိတဲ့ လူငယ်အဖွဲ့တစ်ဖွဲ့ဟာအင်္ကျီ ဆင်တူတွေဝတ်ဆင်ထားပြီး လက်သုံးချောင်းထောင်ကာ ဆန္ဒထုတ်ဖော်ခဲ့ကြတာကို တွေ့ရပါတယ်။
ဆန္ဒထုတ်ဖော်တိုင်း ဖြိုခွဲခံနေရပေမယ့် ကြောက်ခေတ်ကိုမှောက်ပစ်ပြီး လမ်းပေါ်ထွက်လာတဲ့ လူငယ်တွေရဲ့ သတ္တိကတော့ လေးစားစရာပါပဲ။
ဒီကနေ့မနက်ပိုင်းမှာလည်း မြန်မာနိုင်ငံအတွင်းက မြို့နယ်တော်တော်များများမှာ အမျိုးမျိုးသော ပုံစံတွေနဲ့ ဆန္ဒထုတ်ဖော်နေကြတာကိုလည်း တွေ့ရပါတယ်။
မနေ့ကတော့ ဆန္ဒထုတ်ဖော်တဲ့ပြည်သူတွေ ဖမ်းဆီးခံရတာတွေရှိခဲ့ပေမယ့် ဒီကနေ့မနက်မှာတော့ ဖမ်းဆီးခံရသူမရှိသေးဘူးလို့ သိရပါတယ်။
Bong I.T