ဒီကနေ့ မနက်ပိုင်းက မန္တလေးမြို့နယ်အတွင်းမှာ ကျောင်းသားတွေပါဝင်တဲ့ သပိတ်စစ်ကြောင်းတစ်ခု လှည့်လည်ဆန္ဒထုတ်ဖော်ခဲ့ကြပါတယ်။
ဒီသပိတ်စစ်ကြောင်းအတွင်းမှာတော့ ကျောင်းသားတွေအပြင် GenZ လူငယ်တွေနဲ့ ပြည်သူတွေလည်း ပါဝင်တယ်လို့ သိရပါတယ်။
ဒီသပိတ်စစ်ကြောင်းဟာ စစ်ကြောင်းစချီထဲက ကြွေးကြော်သံတွေကို ဟစ်ကြွေးခဲ့ပြီး လက်သုံးချောင်းထောင်ကာ ဆန္ဒထုတ်ဖော်ခဲ့ကြပါတယ်။
ဟစ်ကြွေးခဲ့တဲ့ ကြွေးကြော်သံတွေထဲမှာလည်း စစ်ကျွန်ပညာရေးကို မလိုမရှိကြောင်းကို ကြွေးကြော်ခဲ့ကြတယ်လို့ သိရပါတယ်။
ဒါ့အပြင် ဒီကနေ့မနက်ပိုင်းက မန္တလေးမြို့အတွင်းမှာ တပ်ပေါင်းစု သပိတ်စစ်ကြောင်းပါ လှည့်လည်ဆန္ဒထုတ်ဖော်ခဲ့ပါသေးတယ်။
တပ်ပေါင်းစု သပိတ်စစ်ကြောင်းအတွင်းမှာတော့ ပညာရေးမိသားစု သပိတ်စစ်ကြောင်း ၊ တက္ကသိုလ် ဆရာ၊မ များ ဝန်ထမ်းများ သပိတ်စစ်ကြောင်း ၊ ဒေါင်းစစ်သည် သပိတ်စစ်ကြောင်းနဲ့ အခြားသော သပိတ်စစ်ကြောင်းတွေလည်း ပါဝင်တယ်လို့ သိရပါတယ်။