အနုပညာလောကမှာ ပရိသတ်တွေရဲ့တစ်ခဲနက်အားပေးမှုကို ရရှိထားတဲ့ သရုပ်ဆောင် မင်းသမီး ခိုင်နှင်းဝေ ကတော့ ပရဟိတအလုပ်တွေကို စိတ်အားထက်သန်စွာနဲ့ ဆက်တိုက်လုပ်ဆောင်နေတာ ဖြစ်ပြီး ရင်သွေးလေးများဂေဟာကိုလည်း ဖွင့်လှစ်ထားကာ ကလေးတွေကို စေတနာ မေတ္တာအပြည့်နဲ့ စောင့်ရှောက်ပေးနေတာလည်း တွေ့ရပါတယ်။လက်ရှိဖြစ်ပေါ်နေတဲ့ အခြေအနေတွေမှာလည်း စားဝတ်နေရေးအခက်အခဲဖြစ်နေသူတွေ အတွက် လက်လှမ်းမှီသလောက် လှူဒါန်းမှုတွေကို ပြုလုပ်နေတာ ပဲဖြစ်ပါတယ်။
အရေးကြုံတဲ့ အခါတိုင်း ပြည်သူတွေနဲ့ တစ်သားတည်း ရပ်တည်ကာ ဖေးဖကူညီစောင့်ရှောက်တာကြောင့် အားလုံးကချစ်ခင်လေးစားနေကြတာ ပဲဖြစ်ပါတယ်။အလုပ်အကိုင် နည်းပါးနေတဲ့ ယခုလိုအချိန်မျိုးတွင် အမှန်တကယ် လိုအပ်နေတဲ့ ပြည်သူတွေဆီကိုယ်တိုင်သွားရောက် လှူဒါန်းနေတဲ့ ခိုင်နှင်းဝေကတော့ ဒီနေ့မှာဆိုရင်လည်း အိမ်ခြေ (၁၅၀) အား ဆန်နဲ့ အလှူငွေတွေကို သူမတတ်နိုင်သလောက် လှူဒါန်းကုသိုလ်ပြုနေတာ တွေ့ရပါတယ်။
"အရှေ့ဒဂုံ ရပ်ကွက်နှင့် တောင်ဒဂုံ ရပ်ကွက်တို့မှ အိမ်ခြေ (၁၅၀) အား တစ်အိမ်လျှင် ဆန် (၅) ပြည် နှင့် အလှုငွေ (၅)ထောင်ကျပ်တို့ကို လှူဒါန်းပေးခဲ့ပါတယ်ရှင်..ခဏတာ အခက်အခဲလေးတွေ အဆင်ပြေကြပါစေ...ကျမနှင့် အတူ ကုသိုလ်ပြုဖော် ခုနှစ်ရက်သားသမီး အလှူရှင်များ အားလုံးနှင့် သာဓုခေါ်ဆိုပေးကြသော ခုနှစ်ရက် သားသမီးများ အားလုံး ကုသိုလ်ထပ်တူ ရကြပါစေရှင်..???..."ဆိုပြီး ပရိသတ်တွေ သာဓုခေါ်နိုင်အောင် သူမရဲ့ လူမူကွန်ယက်စာမျက်နှာထက်တွင် ဝေမျှပေးလာတာကြောင့် ပြန်လည်တင်ဆက်ပေးရင်း ပြည်သူတွေ ဘေးအန္တရယ် ကင်းရှင်းကြပါစေ.....???
သတင်း အရင်းအမြစ်៖ Khine Hnin Wai FB Account