လက်ရှိအချိန်မှာဆိုရင် ပြည်သူတွေက သမာအာဇီဝကျတဲ့နည်းလမ်းနဲ့ လုပ်ကိုင်စားသောက်ပြီး ဝမ်းရေးအတွက်ဖြေရှင်းနေကြရတာဖြစ်ပါတယ်။လူငယ်လေးတွေကအစ အလုပ်လုပ်ကိုင်ချင်စိတ်အပြည့်အဝရှိကြပြီး ရိုးရိုးသားသားရှာဖွေစားသောက်နေကြတာပဲဖြစ်ပါတယ်။ပြည်သူလူထုကလည်း အခုလိုအန္တရာယ်များနေတဲ့ကာလမှာတောင်လမ်းပေါ်ထွက်ပြီး စျေးရောင်းနေကြတဲ့သူတွေကို တွေ့မြင်တိုင်း တစ်နိုင်တစ်ပိုင်လေး အားပေးဝယ်ယူခဲ့ကြတာဖြစ်ပါတယ်။
အခုဆိုရင်တော့ အသက်(၇၄)နှစ်အရွယ် ဘဘတစ်ယောက်က လမ်းပေါ်မှာ “လိုတရ”စုဘူးလေးတွေကို ရောင်းချနေတာဖြစ်ပါတယ်။ဘဘက မသန်စွမ်းတစ်ယောက်ဖြစ်ပေမယ့် ချိုင်းထောင့်ကိုအားပြုပြီး မိသားစုသုံးယောက်အတွက် ရိုးရိုးသားသား ရှာဖွေကျွေးမွေးနေတာဖြစ်ပါတယ်။ဘဘက ဝေဇယန္တာလမ်းနဲ့ပါရမီလမ်းမီးပွိုင့်ထောင့်နားမှာ ရွှေ၊ငွေ စုဘူးလေး တစ်ဘူးကိုမှ (၁၅၀၀)ကျပ်တည်းနဲ့ရောင်းချနေတာ ဖြစ်ပါတယ်။
ဘဘက အသက်အရွယ်ကြီးရင့်နေပေမယ့်လည်း အိမ်ထောင်ဦးစီးတစ်ယောက်ရဲ့တာဝန်ကို ကျေပွန်နေတာဖြစ်ပါတယ်။မိမိရဲ့အဘိုးအရွယ်ဖြစ်တဲ့ ဘဘက ပင်ပင်ပန်းပန်းနဲ့ရုန်းကန်နေရတာကြောင့် လမ်းမှာသွားရင်းလာရင်းနဲ့တွေ့တဲ့အခါ စုဘူးလေးတွေကို ဝယ်ယူအားပေးကြပါဦးလို့ တိုက်တွန်းပါရစေ။ဘဘရဲ့အိမ်ကို ကိုယ်တိုင်သွားပြီးလှူဒါန်းချင်ရင်လည်း မြောက်ဥက္ကလာ(၂)ရပ်ကွက်၊ဘုန်းကြီးလမ်းကို သွားရောက်လို့ရကြောင်းကို ပြန်လည်မျှဝေပေးလိုက်ပါတယ်။
Source&Photo Credit: Original Uploder