စေတနာသဒ္ဓါတရား ထက်သန်ကြတဲ့ မြန်မာနိုင်ငံက ပြည်သူတွေကတော့ သူတစ်ပါးကို ကူညီဖို့အတွက် ဘယ်တော့မှ ဝန်မလေးကြတဲ့သူတွေပဲ ဖြစ်ပါတယ် ။ အထူးသဖြင့် အခုချိန်မှာဆိုရင် ပြည်သူတွေက အချင်းချင်း ရိုင်းပင်းကူညီနေကြပြီး တစ်ယောက်ကိုတစ်ယောက် အားဖြည့်ပေးနေကြတာ ဖြစ်ပါတယ် ။ အခုလည်း စေတနာရှင် ပြည်သူတစ်ဦးက အရုပ်လေးတွေလုပ်ပြီး ရောင်းချနေတဲ့ အဘွားအိုတစ်ယောက်ကို ကူညီခဲ့တာပဲ ဖြစ်ပါတယ် ။

Photo Credit-Htet Wai Yan Kyaw's FB Acc
Photo Credit-Htet Wai Yan Kyaw's FB Acc

သူကတော့ အဘွားဆီကနေ အရုပ်လေးတွေဝယ်ယူအားပေးပြီး တတ်နိုင်သလောက် လှူဒါန်းခဲ့တာပဲ ဖြစ်ပါတယ် ။ ဒါ့အပြင် အဘွားအတွက် အကူအညီဖြစ်စေဖို့ရည်ရွယ်ပြီး လူမှုကွန်ယက်စာမျက်နှာထက်မှာ ရေးသားမျှဝေပေးခဲ့တာ ဖြစ်ပါတယ် ။ သူ့ရဲ့စာအရ အဘွားက ညောင်လေးပင်ဇာတိဖြစ်ပြီး ပဲခူးမြို့၊ ရွှေမော်ဓောဘုရားမှာ ကိုယ်တိုင်လုပ်ထားတဲ့ အရုပ်လေးတွေကို (၂) ရက်ခြားတစ်ခါ၊ (၃) ရက်ခြားတစ်ခါလောက် လာရောက်ရောင်းချလေ့ရှိတာပဲ ဖြစ်ပါတယ် ။

Photo Credit-Htet Wai Yan Kyaw's FB Acc
Photo Credit-Htet Wai Yan Kyaw's FB Acc

အရုပ်လေးတွေရောင်းဖို့အတွက် အဝေးကြီးကနေ အပင်ပန်းခံပြီး လာနေရတဲ့ ဒီအဘွားကို စာနာတဲ့အနေနဲ့ ဝယ်ယူအားပေးကြဖို့ကိုလည်း သူက တောင်းဆိုပေးထားတာ ဖြစ်ပါတယ်။ တတ်ကျွမ်းတဲ့ပညာလေးနဲ့ သမာအာဇီဝကျကျ ရှာဖွေစားသောက်နေတဲ့ အဘွားကတော့ အရုပ်တစ်ရုပ်ကို တစ်ထောင်နှုန်းနဲ့ ရောင်းချနေတာဖြစ်ကြောင်း ပြောပြထားတာလည်း ဖြစ်ပါတယ် ။ ပရိသတ်တွေလည်း ပဲခူးမြို့ရှိ ရွှေမော်ဓောဘုရားမှာ အရုပ်လေးတွေရောင်းနေတဲ့ ဒီအဘွားကိုတွေ့ရင် အားပေးကြပါဦးလို့ မေတ္တာရပ်ခံလိုက်ပါရစေ။

Source & Photo Credit-Htet Wai Yan Kyaw's FB Acc

Photo Credit-Htet Wai Yan Kyaw's FB Acc
Photo Credit-Htet Wai Yan Kyaw's FB Acc
Photo Credit-Htet Wai Yan Kyaw's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။