ရဲစွမ်းသတ္တိအပြည့်နဲ့ တက်တက်ကြွကြွလှုပ်ရှားနေကြတဲ့ လူငယ်တွေကတော့ (၃)လကျော်ကြာသွားပြီဖြစ်တဲ့လက်ရှိအခြေအနေမှာ ကိုယ်ရောစိတ်ပါနှစ်ထားကြဆဲဖြစ်ပါတယ်။လူငယ်တွေက သွက်သွက်လက်လက်လည်းရှိကြပြီး အများအကျိုးအတွက် အသက်ကိုတောင်ပေးရဲကြလို့ အရမ်းလေးစားစရာကောင်းကြပါတယ်။ဒီကာလမှာတော့ Gen X,Y,Zတွေအပြင် Gen Alpha လေးတွေကပါ မိမိတို့စွမ်းဆောင်နိုင်တဲ့နေရာလေးတွေကနေတစ်တပ်တစ်အားပါဝင်အားဖြည့်ရင်း တာဝန်ကျေပွန်နေကြတာ ဖြစ်ပါတယ်။
အသက်အရွယ်ကြီးရင့်နေပြီဖြစ်တဲ့ တချို့အဘိုး၊အဘွားတွေကလည်း လူငယ်တွေရဲ့အနာဂတ်အတွက် တစ်ထောင့်တစ်နေရာကနေ ကြိုးစားပေးနေကြတာကိုတွေ့မြင်ရပါတယ်။အခုဆိုရင်လည်း အသက်(၇၀)ကျော်ဝန်းကျင် ဘဘတစ်ယောက်က ဇာတိသွေး၊ဇာတိမာန်တွေထက်သန်လို့ ဒုတ်ကောက်ကိုအားပြုပြီး လမ်းပေါ်ထွက်ကာ ပြည်သူတွေနဲ့အတူ တစ်သားတည်းပါဝင်နေတာဖြစ်ပါတယ်။ဘဘကတော့ မီးပွိုင့်လမ်းဆုံမှာရပ်ပြီး ဖြတ်သွားဖြတ်လာပြည်သူတွေကို လက်သုံးချောင်းထောင်ပြနေတာပဲဖြစ်ပါတယ်။
အသက်အရွယ်ကြီးရင့်ပေမယ့်လည်း ရှိသလောက်ခွန်အားလေးနဲ့ လမ်းပေါ်ထွက်လာတဲ့ ဘဘကို အရမ်းလေးစားလို့ ပြည်သူတစ်ဦးက မှတ်တမ်းတင်ထားတာဖြစ်ပါတယ်။အခုလိုအချိန်မှာတော့ ပြည်သူတွေက အပြန်အလှန်အားပေးကြပြီး ကြုံတွေ့လာရတဲ့အခြေအနေတွေကိုလည်း အကောင်းဆုံးရင်ဆိုင်ကျော်ဖြတ်နေကြတာပဲဖြစ်ပါတယ်။နေပူပြင်းတဲ့လမ်းမပေါ်မှာ တစ်တပ်တစ်အားပါဝင်အားဖြည့်နေတဲ့ ဘဘရဲ့ လေးစားစရာဗီဒီယိုဖိုင်လေးကို ပြန်လည်မျှဝေပေးလိုက်ပါတယ်။
Source&Photo Credit: Original Uploder