လက်ရှိအချိန်မှာတော့ ပြည်သူတွေအများစုက အကျပ်အတည်းတွေနဲ့ ရင်ဆိုင်ကြုံတွေ့နေရတာဖြစ်လို့ အားတင်းပြီး ရှေ့ဆက်နေကြတာလည်း ဖြစ်ပါတယ် ။ အားလုံးသွေးမအေးသွားစေဖို့အတွက် လူထုလှုပ်ရှားမှုတွေကို ကြိုးစားပမ်းစား ပြုလုပ်ပေးနေကြတဲ့သူတွေရှိသလို ဝမ်းစာရှာဖွေဖို့အတွက် လမ်းပေါ်ထွက်နေရတဲ့ ပြည်သူတွေလည်းရှိတာ ဖြစ်ပါတယ် ။ အခုလည်း မန္တလေးမြို့မှာနေထိုင်တဲ့ အဘွားအိုတစ်ဦးရဲ့အကြောင်းကို ပြည်သူတစ်ယောက်က ပြောပြထားတာ ဖြစ်ပါတယ် ။

Photo Credit-Original Uploader
Photo Credit-Original Uploader

ဒီအဘွားအိုကတော့ အသက် (၇၃) နှစ်အရွယ်ရှိနေပြီဖြစ်ပေမယ့်လည်း စားဝတ်နေရေးအတွက် အပြင်ထွက်ပြီး အလုပ်လုပ်နေရတာ ဖြစ်ပါတယ် ။ အဘွားက မန္တလေးမြို့၊ဗောဓိကုန်းကျောင်းမြောက်ဘက်မှာ ပြောင်းဖူးဖုတ် ရောင်းနေတာဖြစ်ပြီး အရင်ကတော့ ပြောင်းဖူးတွေကိုပြုတ်ကာ လိုက်ရောင်းခဲ့တာပဲ ဖြစ်ပါတယ် ။ ကားလမ်းကူးရတဲ့ ဒုက္ခတွေအပြင် အမောမခံနိုင်တာကြောင့် အရင်လိုလိုက်မရောင်းတော့ဘဲ အခုလို ထိုင်ရောင်းခဲ့တာ ဖြစ်ပါတယ် ။

Photo Credit-Original Uploader
Photo Credit-Original Uploader
Photo Credit-Original Uploader

တစ်ခါတလေဆိုရင် ရောင်းမကုန်တဲ့နေ့တွေရှိတာကြောင့် အဘွားခမျာ ရပ်ကွက်ထဲက ကလေးတွေကိုပဲ လိုက်ဝေပေးခဲ့ရတာ ဖြစ်ပါတယ် ။ ဒါကြောင့်လည်း ကူညီလိုစိတ်ရှိတဲ့ ပြည်သူတစ်ဦးက အဘွားရဲ့အကြောင်းကို လူမှုကွန်ယက်စာမျက်နှာထက်မှာ မျှဝေပေးခဲ့တာ ဖြစ်ပါတယ် ။ အဘွားကိုတွေ့ရင် ဝယ်ယူအားပေးကြဖို့ကိုလည်း သူကတောင်းဆိုပေးထားတာ ဖြစ်ပါတယ် ။ စျေးရောင်းတဲ့နေရာနဲ့ အဘွားနေတဲ့နေရာက မဝေးတာကြောင့် အိမ်အထိ သွားရောက်အားပေးနိုင်ကြောင်း ပြောပြပြီး လိပ်စာကိုပါ ဖော်ပြပေးထားတာပဲ ဖြစ်ပါတယ် ။

Source & Photo Credit-Original Uploader

Photo Credit-Original Uploader
Photo Credit-Original Uploader
Photo Credit-Original Uploader

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။