မြန်မာတစ်နိုင်ငံလုံးမှာ ဆန္ဒထုတ်ဖော်တိုင်း ဖြိုခွဲ ဖမ်းဆီးခံနေရပေမယ့်လည်း ကြောက်ခေတ်ကိုမှောက်ပစ်ပြီး လမ်းမတွေပေါ်ထွက်ကာ ဆန္ဒထုတ်ဖော်သူတွေကတော့ နေ့တိုင်းရှိနေတာကိုတွေ့ရပါတယ်။
ယနေ့ မေလ ၄ ရက်နေ့ မနက်ပိုင်းမှာဆိုရင်လည်း မန္တလေးမြို့နယ်အတွင်းက လမ်းမတွေပေါ်မှာ တပ်ပေါင်းစု သပိတ်စစ်ကြောင်းလှည့်လည် ဆန္ဒထုတ်ဖော်ခဲ့ပါတယ်။
ဒီတပ်ပေါင်းစု သပိတ်စစ်ကြောင်းအတွင်းမှာတော့ တမ္ပဝတီလူထု သပိတ်စစ်ကြောင်း ၊ မဟာအောင်မြေ လူထုသပိတ်စစ်ကြောင်း ၊ ဒေါင်းစစ်သည် သပိတ်စစ်ကြောင်း တို့ပါဝင်ပါတယ်။
ဒါ့အပြင် တက္ကသိုလ် ဆရာ/မများ သပိတ်စစ်ကြောင်း နဲ့ ကျောင်းသူ ၊ ကျောင်းသားတွေအပြင် နယ်ခံပြည်သူတွေ ပါဝင်တယ်လို့ သိရပါတယ်။
ဒီသပိတ်စစ်ကြောင်းအတွင်းမှာပါရှိတဲ့ ရာနဲ့ချီသော ဆန္ဒထုတ်ဖော်သူတွေဟာ လက်သုံးချောင်းထောင်ပြီး လမ်းမတွေပေါ်မှာ လမ်းလျှောက်ကာဆန္ဒထုတ်ဖော်ခဲ့ကြပါတယ်။
ဆန္ဒထုတ်ဖော်နေစဥ်အတွင်းမှာ လာရောက်ဖြိုခွဲ ဖမ်းဆီးခံရတာမျိုးမရှိပဲ အောင်မြင်စွာ လူစုခွဲနိုင်ခဲ့တယ်လို့ သိရပါတယ်။