Gen-Z လူငယ်တွေ ပြုလုပ်တဲ့ ပြောက်ကျားသပိတ်တွေဟာ ရန်ကုန်တိုင်းအတွင်းက နေရာတော်တော်များများမှာ တွေ့ရပြီး ရရာနည်းနဲ့ ဆန္ဒဖော်ထုတ်နေတာကို တွေ့ရပါတယ်။
အပြင်ထွက် ဆန္ဒဖော်ထုတ်ရင် အဖမ်းခံရနိုင်သလို ၊ အခန့်မသင့်ရင် အသက်ပါသေဆုံးသွားနိုင်ပေမယ့် ရဲရဲနီတဲ့ သတ္တိနဲ့ လမ်းမတွေပေါ်ထွက်ကာ ဆန္ဒထုတ်ဖော်နေတဲ့ လူငယ်တွေလည်း များစွာရှိနေတာကို တွေ့ရပါတယ်။
ဒီကနေ့ မနက်ပိုင်းလောက်ကဆိုရင်လည်း ရန်ကုန်တိုင်း ကမာရွတ်မြို့နယ်က ဗလိုလမ်းမပေါ်မှာ လူငယ်တွေဦးဆောင်တဲ့ပြောက်ကျားသပိတ်တစ်ခု ထွက်ရှိခဲ့ပါတယ်။
ဒီပြောက်ကျားသပိတ်အတွင်းမှာတော့ ကြည့်မြင်တိုင် အထွေထွေသပိတ် ၊ စမ်းချောင်း ပင်မ သပိတ်စစ်ကြောင်း ကလူငယ်တွေပါဝင်ပါတယ်လို့ သိရပါတယ်။
မနက် ရှစ်ခွဲလောက်မှာ စတင်ခဲ့တဲ့ လူငယ်တွေရဲ့ ဒီပြောက်ကျားသပိတ်ကိုတော့ ဗလိုလမ်းမပေါရှိ ပြည်သူတွေက လက်ခံအားပေးခဲ့ပြီး ပူးပေါင်းပါဝင်ခဲ့ကြတယ်လို့ သိရပါတယ်။
ဒီပြောက်ကျား သပိတ်အတွင်းမှာ ပါဝင်တဲ့ လူငယ်တွေဟာ လက်သုံးချောင်းထောင် ဆန္ဒထုတ်ဖော်ခဲ့ကြပြီးနောက် လူစုခွဲခဲ့ကြတယ်လို့ သိရပါတယ်။