ပြီးခဲ့တဲ့ရက်ပိုင်းလောက်က ခိုင်နှင်းဝေခေါ်ယူစောင့်ရှောက်ထားတဲ့ ကလေးငယ်တစ်ယောက်ရဲ့ ဖခင်ဖြစ်သူဟာ ဦးနှောက်သွေးကြောပြတ်ကာ ကွယ်လွန်သွားတာကြောင့် စိတ်မကောင်းဖြစ်ရတဲ့ အကြောင်း သူမရဲ့လူမှုကွန်ယက်ကနေ ပြောပြလာခဲ့ပါတယ်။ ဒီနေ့မှာတော့ ကွယ်လွန်သူအတွက် ကလေးနဲ့အတူ ကောင်းမှုကုသိုလ်တွေလုပ်ရင်း အမျှဝေပေးခဲ့ပါတယ်။ မသိနားမလည်သေးတဲ့ ကလေးလေးဟာ ဖခင်ဖြစ်သူရဲ့ပုံကိုကြည့်ပြီး တွေတွေလေးငေးနေပုံကိုမြင်ရသူတိုင်းဟာ စိတ်မကောင်းဖြစ်ကြောင်းနဲ့ စောင့်ရှောက်ပေးတဲ့ ကလေးတို့မေမေကို ကျေးဇူးတင်ကြောင်း မှတ်ချက်တွေပေးကြပါတယ်။

Photo Credit - Khine Hnin Wai's FB Acc

ရင်ခွင်မဲ့ကလေးငယ်တွေအတွက် နွေးထွေးလုံခြုံတဲ့ရင်ခွင်တစ်ခုဖြစ်ပေးခဲ့ပြီး ဒုက္ခရောက်မယ့် ဘဝလေးကို လက်မတင်လေးကယ်တင်ပေးခဲ့တဲ့ တကယ့်စေတနာရှင်အမျိုးသမီးပါပဲ။ အနုပညာလမ်းကြောင်းမှာလည်း ပရိသတ်တွေရဲ့ချစ်ခင်အားပေးမှုကိုရခဲ့သလို စေတနာအရင်းခံပြီးလုပ်ရတဲ့ ပရဟိတလုပ်ငန်းတွေမှာလည်း ပြည်သူတွေရဲ့ အားကိုးလေးစားမှုကို ပိုင်ပိုင်နိုင်နိုင်ရရှိခဲ့ပါတယ်။ ကလေးတွေကိုလည်း ကိုယ့်ကလေးအရင်းလို ပြုစုစောင့်ရှောက်ပြီး မေတ္တာစစ် မေတ္တာမှန်ပေးနိုင်တဲ့ မိခင်စိတ်အပြည့်ရှိသူပါ။

Photo Credit - Khine Hnin Wai's FB Acc
Photo Credit - Khine Hnin Wai's FB Acc

သမီးလေးနဲ့အတူရည်စူးကုသိုလ်ပြုနေတဲ့ပုံလေးတွေကို " ကွယ်လွန်သူ ဦးမောင်မြင့်စိုး အသက် (၃၉) နှစ်နှင့်တကွ ကြားကြားသမျှ ....အမျှ..အမျှ....အမျှ........🙏🙏🙏..... " ဆိုပြီး ဝေမျှခဲ့ပါတယ်။ လုပ်သမျှအလုပ်တိုင်းမှာ စေတနာပါပြီး လိုအပ်နေတဲ့ကမ်းလက်တိုင်းကိုလည်း ကြင်နာနွေးထွေးစွာနဲ့ ဖေးမတတ်တဲ့ ပရဟိတမင်းသမီးလေးပါ။ သူမကိုတိုက်ခိုက်သူတွေ ရှိပေမယ့်လည်း ကိုယ်လုပ်ရမယ့် အလုပ်ကိုပဲအကောင်းဆုံးလုပ်ပြီး အကူအညီလိုနေသူတွေကို အမြဲတမ်းစိတ်အားထက်သန်ပြီး ကူညီပေးနေဆဲပါပဲ။

Photo Credit - Khine Hnin Wai's FB Acc

သတင်းအရင်းမြစ်: Khine Hnin Wai's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။