မြန်မာ့နွေဦးတော်လှန်ရေးကို မနက်အရုဏ်ဦး အချိန်တည်းက တက်ကြွစွာ ဆန္ဒထုတ်ဖော်နေကြတဲ့ မိုးကုတ်မြို့ကပြည်သူများ

မြန်မာနိုင်ငံမှာ ရှိကြတဲ့ ပြည်သူပြည်သားများ အားလုံးကတော့ အခက်အခဲတွေ မျိုးစုံကို ရက်ပေါင်းများစွာ ကြာမြင့်သည့်တိုင်အောင် ယခုလက်ရှိ အခြေအနေကို ရင်ဆိုင်ကျော်ဖြတ်နေကြရတာ ပဲဖြစ်ပါတယ်။လက်ရှိမြန်မာနိုင်ငံ အတွင်းမှာ ဖြစ်ပေါ်နေတဲ့ အရေးတော်ပုံကို ပြည်ပနိုင်ငံတွေကပါ မြင်သိရအောင် နည်းလမ်းမျိူးစုံသုံးကာ ချပြနေကြတာကိုလည်း တွေ့မြင်ရပါတယ်။ဒီရက်ပိုင်းမှာဆိုရင်တော့ ရန်ကုန်အပါအဝင် မြို့နယ်အသီးသီးမှာ လူငယ်တွေ စုပေါင်းကာ ​လူထုလှုပ်ရှားမှုကြီးကို စတင်ပြန်လည် လှုပ်ရှားလာကြတာ ဖြစ်ပါတယ်။

ပြည်သူလူထုကြီးကလည်း ဒီနေ့အချိန်ထိ မလျော့သော ဇွဲလုံလ တွေနဲ့ ယုံကြည်တဲ့ ပန်းတိုင်ဆီကို အင်တိုက်အားတိုက် အကောင်ထည်ဖော် ဆောင်ရွက်နေကြဆဲ ဖြစ်ပါတယ်။နေရာတိုင်းမှာလည်း အပစ်အခတ် အဖမ်းအဆီးတွေ ရှိနေပေမယ့်လည်း ပြည်သူတွေကတော့ ရရာနေရာကနေ ရဲစွမ်းသတ္တိ အပြည့်နဲ့ ငြိမ်းချမ်းစွာ ဆန္ဒထုတ်ဖော်နေကြတာကိုလည်း လေးစားဖွယ် တွေ့မြင်ရပါတယ်။ဒါ့အပြင် သူတို့ရဲ့ ရင်တွင်းခံစားချက်တွေကိုလည်း တစ်နေ့တစ်မျိုး မရိုးနိုင်တဲ့ စိတ်ကူးအမျိုးမျိုးနဲ့ လူထုလှုပ်ရှားမှုတွေကို ပြုလုပ်နေကြတုန်း ဖြစ်ပါတယ်။

ဒီကနေ့ မနက်ပိုင်း အရုဏ်ဦး အချိန်မှာ မိုးကုတ်မြို့က ပြည်သူတွေက လူထုလှုပ်ရှားမှုကြီးကို တက်တက်ကြွကြွနဲ့ အခက်အခဲ အတားအဆီးတွေ ကြားကနေ မိမိတို့ စွမ်းနိုင်သလောက်ကို တာဝန်ကျေပွန်စွာ ဆောင်ရွက်နေကြတဲ့ ပုံရိပ်တွေကို ပရိသတ်တွေ အတွက် ပြန်လည်ဝေမျှပေး လိုက်ပါတယ်။တစ်ရက်မှမနားကြပဲ လူထုလှုပ်ရှားမှုတွေကို ပြုလုပ်နေကြတဲ့ ပြည်သူတွေကတော့ တကယ်ကို ချီးကျူးစရာကောင်းပါတယ်နော်......။