အခုလက်ရှိအချိန်မှာတော့ ပြည်သူတွေ အားလုံးက အတူတကွ စည်းလုံးညီညွှတ်စွာနဲ့ လူထုလှုပ်ရှားမှုကြီးတွေကို နေ့စဉ်ရက်ဆက်ဆိုသလို ပြုလုပ်ကြလျက်ရှိပါတယ်။လူထုလှုပ်ရှားမှုတိုင်းကို လူစုလို့မရအောင် ဖြိုခွင်းမှုတွေ အဖမ်းအဆီးတွေ ရှိနေပေမယ့်လည်း မြို့နယ်အသီးသီးရဲ့ လမ်းမတွေထက်မှာ အမှန်တရားကို လိုလားကြတဲ့ ပြည်သူတွေက ငြိမ်းချမ်းစွာ ဆန္ဒထုတ်ဖော်နေကြတာ ပဲဖြစ်ပါတယ်။
လူထုလှုပ်ရှားမှုကို ကြိုးစား လုပ်ဆောင်နေကြတဲ့ထဲတွင် မန္တလေးမြို့နယ်က ပြည်သူတွေကလည်း နေ့တိုင်း မမောမပန်းဘဲ တပ်ပေါင်းစုသပိတ်စစ်ကြောင်းတွေကို ဆက်တိုက် ချီတက်ဆန္ဒထုတ်ဖော်မှုတွေကို ပြုလုပ်နေကြတဲ့ မြင်ကွင်းတွေက အားရစရာပါပဲ....။ဒါ့အပြင် မန္တလေးမြို့ရဲ့ လှုပ်ရှားမှုကြီးမှာ ရဟန်းသံဃာတွေကပါ အာဏာရှင်စနစ်ကို ဆန့်ကျင်ကာ ပြည်သူတွေနဲ့အတူ လမ်းလျှောက် ဆန္ဒထုတ်ဖော်ခဲ့ကြတာ ဖြစ်ပါတယ်။
ယနေ့ မေလ(၅)ရက်နေ့မှာ တက္ကသိုလ်များ စဖွင့်တဲ့နေ့ ဖြစ်တာကြောင့် ရတနာပုံတက္ကသိုလ်က ကျောင်းသူကျောင်းသားများက ကျောင်းတက်ချင်း မရှိပဲ လမ်းမပေါ်တွင် ဆိုင်းဘုတ်များကိုင်ဆောင်ကာ အေးချမ်းစွာ လှုပ်ရှားခဲ့ကြတဲ့ မြင်ကွင်းတွေကို ပြန်လည်မျှဝေပေးလိုက်ပါတယ်။ကျောင်းသား ကျောင်းသူတွေရဲ့ ဂုဏ်ယူဖွယ်ကောင်းတဲ့ သူရဲကောင်းစိတ်ဓာတ်တွေက ချီးကျူးစရာပါပဲနော်....။အားလုံးဘေးကင်းကြပါစေ......???
Bong I.T