ဗီဒီယိုဇာတ်ကားတွေမှာ ကျရာနေရာကနေ ပီပြင်စွာ ပါဝင်သရုပ်ဆောင်ရင်း ပရိသတ်တွေရဲ့ အားပေးမှုတွေကို သိမ်းပိုက်ရရှိထားသူကတော့ သရုပ်ဆောင် နွယ်ဒါလီထွန်းပဲ ဖြစ်ပါတယ်။ သူမကတော့ ဖေဖော်ဝါရီလအစကတည်းကနေ ယနေ့ချိန်အထိ လူထုလှုပ်ရှားမှုတွေမှာ ပြည်သူတွေနဲ့အတူ ပူးပေါင်းပါဝင်နေသူတစ်ဦးလည်း ဖြစ်ပါတယ်။ အရေးကြုံလာတိုင်း ပြည်သူတွေဘက်ကနေ မားမားမတ်မတ်ရပ်တည်ပေးနေသူဖြစ်တာကြောင့် အားလုံးက ဝမ်းသာဂုဏ်ယူ နေကြတာ ဖြစ်ပါတယ်။
အခုလို လှုပ်ရှားမှုများတွင် ပါဝင်ခဲ့တာကြောင့် နွယ်ဒါလီထွန်းအား ပုဒ်မ ၅၀၅(က) ဖြင့် တရားစွဲဆိုခံထားရတာဖြစ်ပါတယ်။ လတ်တလောမှာတော့ အခြေအနေအရပ်ရပ်ကြောင့် ခေတ္တခဏ တိမ်းရှောင်နေရတာ ဖြစ်ပါတယ်။သို့ပေမယ့်လည်း သူမရဲ့လူမှုကွန်ယက်စာမျက်နှာမှတစ်ဆင့် လက်ရှိဖြစ်နေတဲ့အရာတွေကို Speak Out လုပ်ပေးနေတာ ဖြစ်ပါတယ်။ မကြာသေးခင် နာရီပိုင်းလောက်ကလည်း ပြည်သူထဲက ပြည်သူတစ်ယောက်ဖြစ်တဲ့အတွက်ဆုံးရှုံးနေတဲ့အခွင့်အရေးတွေ ပြန်လိုချင်တာကြောင့် လူထုလှုပ်ရှားမှုတွင်ပါဝင်ခဲ့ကြောင်း ပြောပြလာတာ ဖြစ်ပါတယ်။
သူမကလည်း " ဟဲ့ နင်ကအနုပညာသမား နိုင်ငံရေးသမားမဟုတ်ဘူးတဲ့ အနုပညာသမားဆိုတာဟိုဘက်ဒီဘက်ပရိတ်သတ်ရှိတဲ့သူမို့ဘယ်ဘက်မှမပါဘဲကြားနေတာအကောင်းဆုံးပါတဲ့ပရိတ်သတ်မလျော့ဘူးပေါ့တဲ့
ကျွန်မဒီတော်လှန်ရေးမှာပါဝင်ခဲ့တာအနုပညာသမားတစ်ယောက်မို့ SP ကြောက်လို့ပြည်သူနဲ့အတူရပ်တည်ခဲ့တာမဟုတ်ပါဘူးရှင် ပြည်သူထဲကပြည်သူတစ်ယောက်မို့ကျွန်မတို့အနေနဲ့ဆုံးရှုံးနေရတဲ့အခွင့်ရေးတွေပြန်လိုချင်လို့ပါအဲ့အခွင့်ရေးတွေကတော်ကြာနေပိတ်လိုက်ပြီးရင်ပြန်ပေးလိုက်နဲ့လုပ်နေတဲ့ internet ပုံမှန်ပြန်ရရေးတို့ ထုတ်ချင်တိုင်းထုတ်နေတဲ့ martial law ကိုဖြေလျှော့ရေးတို့အတွက်မဟုတ်ပါဘူး ကျွန်မတို့ကိုယ်တိုင်ဆန္ဒနဲ့မဲပေးခဲ့တဲ့NLD အစိုးရနဲ့ မြန်မာ့ Democracy ဖော်ဆောင်ပေးခဲ့တဲ့မိခင်ဒေါ်အောင်ဆန်းစုကြည်ကိုမတရားစွဲချက်တွေနဲ့တရားစွဲဆိုဖမ်းဆီးချုပ်နှောင်ထားခြင်းကိုပြန်လွှတ်ပေးရန်အတွက်ပါ။ " ဆိုပြီး ရေးသားထားတာ ဖြစ်ပါတယ်။ယုံကြည်ခြင်းအပြည့်နဲ့ ဒီမိုကရေစီရရှိအောင် တတ်နိုင်တဲ့ဘက်ကနေ ပါဝင်ဆောင်ရွက်ပေးနေတဲ့ နွယ်ဒါလီထွန်းရဲ့စိတ်ဓာတ်ကတော့ လေးစားစရာကောင်းလှပါတယ်။ ဒီကာလမှာ ဘေးအန္တရာယ် ကင်းဝေးပါစေလို့လည်းဆုတောင်းပေးလိုက်ရပါတယ်နော်။
Source and Photo Crd-Nwe Darli Tun’s Facebook Account