လတ်တလော လူမှုကွန်ယက်စာမျက်နှာထက်မှာ ပျံ့နှံနေတဲ့ Post တစ်ခုကတော့ ပြည်သူတွေကို စိတ်မကောင်းဖြစ်စေခဲ့သလို ကြည်နူးပီတိတွေလည်း ဖြစ်စေခဲ့တာ ဖြစ်ပါတယ် ။ ဒီ Post ကတော့ မြန်မာနိုင်ငံကိုယ်စားပြု မသန်စွမ်းဘောလုံးအသင်းရဲ့ လက်ရွေးစင် အသင်းခေါင်းဆောင်တစ်ဦးဖြစ်တဲ့ ကိုသက်နိုင်ရဲ့အကြောင်းကို ရေးသားထားတာပဲ ဖြစ်ပါတယ် ။ ကိုသက်နိုင်ရဲ့မြင့်မြတ်တဲ့စိတ်ဓာတ်နဲ့ လေးစားချင်စရာကောင်းတဲ့ အပြုအမူကို ချီးကျူးထားတာလည်း ဖြစ်ပါတယ် ။

Photo Credit-Pho Koont's FB Acc

ဘောလုံးသမား ကိုသက်နိုင်ကတော့ ပြီးခဲ့တဲ့ရက်ပိုင်းက သူ့ရဲ့လူမှုကွန်ယက်စာမျက်နှာထက်မှာ Post တင်ပြီး ဖိနပ်တစ်ရံကို ရောင်းချခဲ့တာပဲ ဖြစ်ပါတယ် ။ ကိုသက်နိုင်က ဒီဖိနပ်ကို သူ့ရဲ့မွေးနေ့မှာ မဲဖောက်ပေးဖို့ စီစဥ်ခဲ့ပေမယ့်လည်း အလှူလုပ်ချင်တာကြောင့် အခုလိုရောင်းချလာရတာ ဖြစ်ပါတယ် ။ ဒါ့ကြောင့် ရောင်းရတဲ့ငွေတွေ အားလုံးကို အကုန်လှူဒါန်းသွားမှာဖြစ်ကြောင်း သူက ရေးသားပြောပြထားတာပဲ ဖြစ်ပါတယ် ။

Photo Credit-Pho Koont's FB Acc

ပြည်သူတစ်ဦးကတော့ ကိုသက်နိုင်ရဲ့ဖိနပ်ကို ငွေ (၃) သိန်းကျပ်နဲ့ ဝယ်ယူအားပေးပြီး သူ့ရဲ့အလှူဖြစ်မြောက်အောင် ကူညီလိုက်တာပဲ ဖြစ်ပါတယ် ။ ဝယ်ယူလိုက်တဲ့သူကို ကိုသက်နိုင်က ဖိနပ်ပို့ပေးဖို့ မေးမြန်းတဲ့အခါမှာတော့ အဲ့ဒီလူက "ဘယ်ကိုမှ ပို့ဖို့မလိုပါဘူး ကိုသက်နိုင်အဲ့ဖိနပ်နဲ့ ဆက်ကစားပေးမယ်ဆိုရင် ကျွန်တော်တို့ပျော်ပါတယ်" ဆိုပြီး ပြောခဲ့တာပဲ ဖြစ်ပါတယ် ။ ရှိတာလေးကိုရောင်းချပြီး အလှူလုပ်ဖို့ စဥ်းစားခဲ့တဲ့ ကိုသက်နိုင်ရဲ့စိတ်ထားက မြင့်မြတ်သလို သူ့ကိုကူညီခဲ့တဲ့ ပြည်သူတစ်ဦးရဲ့စေတနာကလည်း တကယ့်ကို ပီတိဖြစ်စရာကောင်းနေတာပဲ ဖြစ်ပါတယ် ။

Source & Photo Credit-Pho Koont's FB Acc

Photo Credit-Pho Koont's FB Acc
Photo Credit-Original Uploader
Photo Credit-Pho Koont's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။