အလုပ်တွေနားထားရပေမယ့် ခက်ခဲနေသူအတွက် ဆေးဖိုးလေးမရမကလှူဒါန်းပေးတဲ့ စူးရှထက်

မလွယ်ဘူးထင်ရင် ကိုယ့်ထက်ပိုခက်တဲ့ဘဝတွေကို ကြည့်ပါဆိုတဲ့စကားအတိုင်း မော်ဒယ်စူးရှထက်ဟာ သူမကိုယ်တိုင် ဝင်ငွေမရှိတဲ့ကာလဖြစ်သည့်တိုင် ဆေးဖိုးလိုအပ်နေသူတစ်ယောက်အတွက် ငွေကျပ်ငါးသောင်း လှူဒါန်းပေးခဲ့ပါတယ်။ အမြဲတမ်း ကာလဒါနလေးတွေလုပ်တတ်သလို မိဘတွေကိုလည်း အနုပညာကြေးလေးနဲ့ ထောက်ပံ့ပေးတဲ့ သမီးလိမ္မာလေးပါ။ ဘုရားတရားလည်းကိုင်းရှိုင်းသလို အလှုအတန်းလည်းလက်မနှေးတတ်ပါဘူး။ မြန်မာ့နွေဦးတော်လှန်ရေးမှာလည်းပါဝင်ခဲ့သူမို့ ပရိသတ်တွေက အရင်ကထက် ပိုချစ်ပြီး ပိုအားပေးခဲ့ကြပါတယ်။

လက်ရှိလှူနေတာတွေဟာ ပိုလျှံနေလို့မဟုတ်ဘဲ ဒုက္ခရောက်နေသူတွေကိုမြင်ပြီး စာနာတဲ့စိတ်နဲ့လှူဒါန်းနေတာဖြစ်တယ်လို့လည်း ပြောခဲ့ဖူးပါသေးတယ်။ ကိုဗစ်ကာလတွေမှာ နိုင်သလောက်လှူဒါန်းသလို လက်ရှိအကျပ်အတည်းအချိန်တွေမှာလည်း ကိုယ်တတ်နိုင်တဲ့ဖက်က တတ်နိုင်သလောက်လေး အမြဲတမ်းလှူပေးခဲ့တဲ့စူးရဲ့ စိတ်စေတနာက တကယ်ကိုလေးစားစရာကောင်းလွန်းပါတယ်။ ငွေလိုလို့ စီးနေတဲ့ကားကိုတောင်ရောင်းပစ်ခဲ့ရပေမယ့် လှူနေတာတွေကိုတော့ ရပ်မသွားခဲ့ပါဘူး။

သူမရဲ့ဒါနလေးကို " ကိုယ်တတ်နိုင်တာလေးနဲ့ ဆေးဖိုးအလှူလေး??? " ဆိုပြီး လှူခဲ့တဲ့မှတ်တမ်းပုံလေးနဲ့ မြင်ရသူတွေမုဒိတာပွား သာဓုခေါ်နိုင်အောင် လူမှုကွန်ယက်မှာ ဝေမျှပေးခဲ့ပါတယ်။ စေတနာထားပြီးအမြဲလှူပေးတဲ့စူးကို ချစ်ခင်တဲ့ပရိသတ်တွေက သာဓုခေါ်ဆိုပေးခဲ့ကြပါတယ်။ အများကြီးလှူချင်တဲ့ဆန္ဒတွေပြည့်အောင် အလုပ်တွေအများကြီးပိုလုပ်ရပါစေလို့ ဆုတောင်းပေးလိုက်ပါတယ်စူးရေ။

သတင်း အရင်းအမြစ်៖ Zar Chi's FB Acc