ယနေ့ မေလ ၆ ရက်နေ့ twitter ပေါ်မှာတော့ မြန်မာတစ်နိုင်ငံလုံးမှာ ဆန္ဒထုတ်ဖော်နေတဲ့ သတင်းတွေနဲ့ ပုံတွေ ပျံ့နှံံ့နေတာကို တွေ့ရပါတယ်။

ရန်ကုန်မြို့အတွင်းမှာလည်း မနက်ပိုင်းမှာသာမက မွန်းလွဲပိုင်းမှာပါ ဆန္ဒထုတ်ဖော်နေတာတွေ့ရသလို အခြားသော မြို့တွေမှာလည်း အမျိုးမျိုးသော ပုံစံတွေနဲ့ ဆန္ဒထုတ်ဖော်နေတာကို တွေ့ရပါတယ်။

ဒါ့အပြင် စစ်ကျွန်ပညာရေးအောက်မှာ ပညာမသင်လိုတဲ့ လှုပ်ရှားမှုတစ်ရပ်အနေနဲ့ ကချင်ပြည်နယ်မှာ အဖြူ၊ အစိမ်းကျောင်းဝတ်စုံတွေကို ဆေးအနီတွေမှုတ်ကာ ကျောင်းရှေ့မှာ ချိတ်ပြီး ဆန္ဒထုတ်ဖော်တဲ့ သတင်းလည်း ပျံ့နေတာကို တွေ့ရပါတယ်။

နောက်ထပ်အနေနဲ့ ဒီကနေ့ မနက်ပိုင်းလောက်က ရန်ကုန်တိုင်း မြောက်ဒဂုံမြို့နယ်မှာ အသက်မပြည့်သေးတဲ့ လူငယ်နှစ်ယောက် ဖမ်းဆီးခံရတဲ့ သတင်းတွေလည်း ပျံ့နေတာကို တွေ့ရပါတယ်။

နောက်ထပ်သတင်းတစ်ပုဒ်အနေနဲ့ ဒီကနေ့မှာ ထားဝယ် နည်းပညာတက္ကသိုလ်က ကျောင်းသားတစ်ဦးဖြစ်တဲ့ ကိုမျိုးမင်းဦး အဖမ်းခံရတဲ့ သတင်းတွေလည်း ပျံ့နေတာကို တွေ့ရပါတယ်။

ကိုမျိုးမင်းဦးဟာ Dawei's Student Union ရဲ့ ခေါင်းဆောင်ဟောင်း တစ်ဦး ဖြစ်သလို ဇဗ္ဗူသီရိလူမှုကယ်ဆယ်ရေးအသင်းမှာ ပရဟိတလုပ်အားပေးနေစဥ်အတွင်း ဖမ်းဆီးခံခဲ့ရတာဖြစ်တယ်လို့ သိရပါတယ်။

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။