လက်ရှိမှာတော့ကိုရီးယားနိုင်ငံကို အန္တရာယ်ကင်းကင်းနဲ့ရောက်ရှိသွားပြီဖြစ်တဲ့ ဟန်နာယူရီဟာ လတ်တလောသူမရဲ့အတွေ့အကြုံနဲ့ မြန်မာပြည်အပေါ်ထားတဲ့ ခံစားချက်တစ်ချို့ကို ပြောပြလာခဲ့ပါတယ်။ ဘယ်နိုင်ငံကိုပဲရောက်ရောက် ကိုယ့်နိုင်ငံကိုမမေ့ဘဲ နိုင်ငံ့ကောင်းကျိုးအတွက် အစွမ်းကုန်ကြိုးစားပေးသွား မယ်ဆိုတဲ့အကြောင်းလည်းပြောခဲ့ပါတယ်။ ကိုရီးယားမှာ (၆) လသာနေရမှာဖြစ်ပါတယ်။ (၆) လ ပြည့်ရင် ထိုင်းနိုင်ငံကိုပြောင်းရွှေ့ဖြစ်ဖို့များတယ်လို့ ဆိုပါတယ်။ ထိုင်းနိုင်ငံမှာ သူမအတွက်အလုပ်ကိုင်အခွင့်အလမ်း ပိုများတာကြောင့် အခုလိုပြောင်းရွှေ့တာပဲဖြစ်ပါတယ်။ လက်ရှိကိုရီးယားမှာရှိနေတဲ့ သူမရဲ့ခင်မင်ရသူတွေ က ကူညီပေးတဲ့အကြောင်း ပရိသတ်တွေစိတ်မပူဖို့ အသိပေးခဲ့ပါတယ်။

Photo Credit - Hannayuri 's FB Acc
Photo Credit - Hannayuri 's FB Acc

ကိုရီးယားမှာကျောင်းတက်ဖို့ အကုန်လုံးပြင်ဆင်ပြီးခါမှ နိုင်ငံရေးမတည်မငြိမ်ဖြစ်တာကြောင့် သူမရဲ့ ပရိသတ်တွေကိုထားမသွားချင်တဲ့စိတ်နဲ့ မြန်မာပြည်မှာနေပြီး မြန်မာ့အရေးကိုပဲ အာရုံစိုက်ကာ သတင်းမှန်တွေကမ္ဘာကသိဖို့ ကြိုးစားပေးခဲ့သူပါ။ သူမရဲ့ခံယူချက်ကိုလည်း " ကျွန်မကနိုင်ငံရေးသမား မဟုတ်ပါဘူးရှင် နိုင်ငံနဲ့လူမျိုးကိုချစ်မြတ်နိုးတဲ့ပြည်သူတစ်ယောက်ပါ ဖိနှိပ်ခံပြည်သူတစ်ယောက်အနေနဲ့ ကျွန်မတတ်နိုင်တာတွေကူညီလုပ်သွားပါမယ် ဒါကြောင့် ဘယ်ရောက်ရောက် မြန်မာပြည်အဆင်ပြေ အေးချမ်း ကျွန်မချစ်တဲ့မြန်မာပြည်သူတွေ ဘေးကင်းလုံခြုံတဲ့အထိ အမှန်တရားဖက်ကရပ်တည်နေမှာပါ " ဆိုပြီး ရင်ဖွင့်ပြောပြလာခဲ့ပါတယ်။

Photo Credit - Hannayuri 's FB Acc
Photo Credit - Hannayuri 's FB Acc

သူမရဲ့လူမှုကွန်ယက်တွေကနေ အလုပ်ကိစ္စနဲ့ အလှပုံတွေတောင်မတင်တော့ဘဲ နိုင်ငံအရေးကိုပဲ ဦးစားပေးပြီး လူအများသိအောင် ဝေမျှပေးခဲ့ပါတယ်။ မြန်မာပြည်အတွက် သတင်းမှန်တွေကို ကမ္ဘာကသိစေဖို့လည်း ခြေထောက်တွေဒဏ်ရာဖြစ်တဲ့အထိ လမ်းလျှောက်ပြီး ကြိုးစားပန်းစား ပြောပေးခဲ့သူပါ။ သူမရဲ့ရပ်တည်ချက်ကိုလည်း " ကျွန်မအခုကိုရီးယားရောက်နေပေမယ့် ဘာမှအခြေတကျမဖြစ် ပြင်ဆင်စရာတွေ ဥပမာ နေဖို့အိမ်၊ ကျောင်းတစ်ဖက်နဲ့အတွက် ပြင်ဆင်စရာတွေရှိနေသေးတာမို့ တစ်ချို့လစ်ဟာတာတွေနည်းနည်းရှိရင် ခွင့်လွှတ်နားလည်ပေးပါ ကျွန်မအနေအထားနဲ့ တတ်နိုင်သလောက် support ပေးသွားပါမယ် Stay safe everyone အရေးတော်ပုံအောင်ရမည် " ဆိုပြီးပြောပြခဲ့ပါတယ်။ ပြည်သူနဲ့ တစ်သားတည်းရပ်တည်နဲ့ ယိင်းကို ပရိသတ်တွေကလည်းပိုချစ်ပြီး အားပေးလာခဲ့ပါတယ်။

Photo Credit - Hannayuri 's FB Acc

သတင်းအရင်းမြစ်: Hannayuri 's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။