မေလ ၈ ရက်နေ့ မနက်ပိုင်း twitter ပေါ်မှာတော့ မြန်မာနိုင်ငံအရပ်ရပ်က ဆန္ဒထုတ်ဖော်တဲ့ သတင်းတွေနဲ့ ပုံတွေ ပျံ့နှံ့နေတာကို တွေ့ရပါတယ်။
ပျံ့နှံ့လာတဲ့သတင်းတွေအရ ဒီကနေ့မနက်ပိုင်းထဲက မြစ်ကြီးနား ၊ မန္တလေး ၊ ပခုက္ကူ ၊ ရေဖြူ ၊ စစ်ကိုင်းနဲ့ အခြားသောမြို့တွေမှာ ဆန္ဒဖော်ထုတ်နေကြတာကို တွေ့ရပါတယ်။
စစ်ကိုင်းတိုင်း ဒီပဲယင်းမြို့ ပင်မသပိတ်စစ်ကြောင်းဟာဆိုရင်လည်း WELCOME PDF ဆိုတဲ့ စာသားကို ပုံဖော်ပြီး ဆန္ဒဖော်ထုတ်ခဲ့တာကို တွေ့ရပါတယ်။
နောက်ထပ်သတင်းတစ်ပုဒ်အနေနဲ့ကတော့ မော်လမြိုင်က အခြေခံပညာကျောင်းတစ်ခုမှာ ဆေးအနီတွေနဲ့ စာတွေရေးဆွဲဲပြီး ဆန္ဒဖော်ထုတ်ထားတဲ့ သတင်းလည်း ပျံ့နေတာကို တွေ့ရပါတယ်။
နောက်ထပ်အနေနဲ့ကတော့ ဒီကနေ့မနက် ၃နာရီ ၃၀ မိနစ်လောက်က ရန်ကုန်တိုင်း ၊ မြောက်ဥက္ကလာပ မြို့နယ် ရွှေပေါက်ကံမှာ နေထိုင်တဲ့ မိန်းကလေးသုံးယောက် အဖမ်းခံရတဲ့ သတင်းတွေလည်း ပျံ့နေတာကို တွေ့ရပါတယ်။
အဖမ်းခံရတဲ့ မိန်းကလေး သုံးယောက်ရဲ့ နာမည်ကတော့ မယမင်းဟန် ၊ မသက်ထားဇင် နဲ့ မအေးချယ်ရီမိုးတို့ ဖြစ်ကြပြီး သူမတို့ရဲ့ နေအိမ်အတွင်းမှာပဲ ဝင်ရောက်ဖမ်းဆီးခံခဲ့ရတာ ဖြစ်တယ်လို့ သိရပါတယ်။