ပြည်သူတွေကတော့ လူထုလှုပ်ရှားမှုတွေကို နေ့စဥ်မပျက်မကွက် ပြုလုပ်ကြပြီး ရောက်ရာနေရာကနေ ဆန္ဒထုတ်ဖော်နေကြတာ ဖြစ်ပါတယ် ။ အဲ့ဒီပြည်သူတွေထဲက တစ်ချို့ကတော့ ကျည်ထိမှန်ပြီး ကျဆုံးခဲ့ရသလို တစ်ချို့ကလည်း အသက်မသေခဲ့ပေမယ့် ဝေဒနာတွေကို ဆက်လက်ခံစားနေရတာ ဖြစ်ပါတယ် ။ လှိုင်သာယာမြို့နယ်က ပြည်သူတစ်ဦးကလည်း ကျည်မှန်ထားတဲ့ဒဏ်ရာကြောင့် ဆေးကုသမှုခံယူဖို့ လိုအပ်နေတာပဲ ဖြစ်ပါတယ် ။

Photo Credit-Original Uploader
Photo Credit-Original Uploader

သူကတော့ လှိုင်သာယာမြို့နယ်မှာ ပစ်ဖောက်ဖြိုခွင်းမှုတွေ စတင်ဖြစ်ပေါ်ခဲ့တဲ့အချိန်တုန်းက ပေါင်ကိုကျည်ထိမှန်ခဲ့တဲ့ အမျိုးသားတစ်ဦးပဲ ဖြစ်ပါတယ် ။ ကျည်က ခါးကိုဖောက်ထွက်သွားတာကြောင့် အခုဆိုရင် သူ့ခမျာ ချိုင်းထောက်နဲ့နေနေရတာ ဖြစ်ပါတယ် ။ လက်ရှိမှာတော့ သူ့ရဲ့အလုပ်က လစာမဲ့ခွင့်နဲ့ နားထားရသလို မိန်းမဖြစ်သူရဲ့စက်ရုံကလည်း မီးရှို့ခံရတဲ့အထဲပါသွားတာကြောင့် ဆေးကုသဖို့အတွက် အခက်အခဲဖြစ်နေရှာတာ ဖြစ်ပါတယ် ။

Photo Credit-Original Uploader
Photo Credit-Original Uploader

ဒီအကြောင်းကို ကြားသိရတဲ့ စေတနာရှင်ပြည်သူတစ်ဦးက သူ့အတွက် ကိုယ်စားအလှူခံပေးနေတာ ဖြစ်ပါတယ်။ ဒါကြောင့် ပြည်သူတွေအနေနဲ့ လက်ဘက်ရည်ဖိုး၊ မုန့်ဖိုးလောက်ပဲ တတ်နိုင်ရင်လည်း ရသလောက်ပါဝင်လှူဒါန်းပေးနိုင်ကြောင်း အလှူခံတဲ့သူက တိုက်တွန်းနှိုးဆော်ထားတာ ဖြစ်ပါတယ် ။ ကျည်ထိမှန်ထားလို့ ဆေးဖိုးလိုအပ်နေရှာတဲ့ လှိုင်သာယာမြို့နယ်က ပြည်သူတစ်ဦးရဲ့အကြောင်းကို ပြန်လည်ဖော်ပြပေးလိုက်တာ ဖြစ်ပါတယ် ။

Source & Photo Credit-Original Uploader

Photo Credit-Original Uploader
Photo Credit-Original Uploader

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။