ပြည်သူတွေရဲ့စိတ်ထဲမှာဝင်ရောက်လာနေပြီဖြစ်တဲ့ အကြောက်တရားတွေဟာ တစ်ရက်ထက် တစ်ရက် ပိုပိုပြီးကြီးထွားလာခဲ့ပါတယ်။ လက်ရှိကြုံတွေ့နေရတဲ့ အဖြစ်အပျက်တွေဟာ အားလုံးကို ကြောက်စိတ်ရော သတ္တိစိတ်ပါ တပြိုင်တည်းသွင်းပေးနေသလိုပါပဲ။ မြန်မာ့နွေဦး တော်လှန်ရေးမှာ စွမ်းစွမ်းတမံပါဝင်ခဲ့တဲ့ဟန်နာယူရီဟာ လက်ရှိမှာတော့ ကိုရီးယားနိုင်ငံကို ကျောင်းတက်ဖို့ ရောက်ရှိနေပြီပဲဖြစ်ပါတယ်။ လူကဘေးကင်းလုံခြုံရာကို ရောက်သွားပေမယ့် စိတ်တွေကတော့ မလုံခြုံနိုင်တော့ဘဲ ဒီမှာနေခဲ့တုန်းက ခံစားခဲ့ရတဲ့ ခံစားချက်တွေအတိုင်း ပြန်လည်ခံစားနေခဲ့ရတယ်လို့ ပြောပြခဲ့ပါတယ်။

Photo Credit - Hanna Yuri's FB Acc

သူမရဲ့လက်ရှိစိတ်အခြေအနေဟာ မြန်မာပြည်သူတွေနဲ့တစ်ထပ်တည်းဖြစ်နေခဲ့ပြီး ကြောက်ရွံ့ ဝမ်းနည်းနေရတဲ့အကြောင်းကို " ကိုးရီးယားရောက်ပြီးကျွန်မစိတ်အခြေအနေပိုဆိုးလာတယ် ကျွန်မညတွေအိပ်မရဘူး နံရံတွေပိလာသလိုခံစားရတယ်။ အပြင်သွားရင် ဒီကအေးအေး ဆေးဆေး ရယ်မောသွားလာနေတဲ့လူတွေကိုငေးပြီး ကိုယ့်နိုင်ငံကလူတွေ ကြုံခံစားနေရတာတွေကိုယှဉ်မိပြီး သနားတယ် စိတ်အားငယ်တယ်။ bus ကားစီးရင်းလည်းငိုတယ် လမ်းကူးလည်း ငိုတယ် စိတ်ထိခိုက်မှုတွေများနေလို့ ခဏလေးအနားယူချင်ပေမယ့် အနားမယူရဲဘူး ခဏအိပ်မိရင်တောင် ငါအိပ်နေချိန်ဟိုမှာဘာတွေဖြစ်နေမလဲ ဘာမှမလုပ်နိုင်တာသိပေမယ့် စိတ်မချနိုင်ဘူး "

Photo Credit - Hanna Yuri's FB Acc
Photo Credit - Hanna Yuri's FB Acc

" အရင်လိုရဲရဲရင့်ရင့်နဲ့ အလုပ်တွေလုပ်လာတဲ့ကိုယ်ရပ်တည်မှုကိုမေ့ပြီး သိမ်ငယ်အားငယ်ပါ တယ် ဒီအနေထားထိလုပ်ခဲ့တာကိုနောင်တမရပေမယ့် Korea ရောက်လာတာကို အခုနောင်တရပါတယ်။ ကျောင်းဖွင့်တော့မယ် အရာအားလုံးမေ့ပြီးနောက်ဆံမတင်းဘဲ စာဘယ်လိုလုပ်ရမလဲ ဒီမှာဘာတွေ ဆက်ကြုံရမလဲ စိုးရိမ်တယ်။ စိတ်အားငယ်တယ်။ ဒီအိမ်မက်ဆိုးကြီးကနေ အားလုံးအတူတူ အမြန်လွတ်မြောက်ချင်တယ် ပြည်သူတွေကိုအမြန်ဘေးကင်းအဆင်ပြေစေချင်တယ်။ ဘဝမှာ ဒီ trauma ကြီးတွေကသေရာပါဒဏ်ရာတွေလို အမြဲအတူရှိသွားမှာ ကြောက်တယ်။ တော်လှန်ရေး အမြန် အောင်မြင်ချင်ပါတယ် " ဆိုပြီး ရင်ဖွင့်ပြောပြလာခဲ့ပါတယ်။ ဒီလိုအခြေအနေဆိုးကြီးကနေ အမြန်ဆုံးလွတ်မြောက်ပြီး ပြည်သူတွေပျော်ရွှင်ရမယ့် နေ့ရက်ကိုရောက်လာပါစေလို့ ဆုတောင်းပါတယ်။

Photo Credit - Hanna Yuri's FB Acc

သတင်းအရင်းမြစ်: Hanna Yuri's FB Acc

"Myanmarload's content is copyrighted and only allowed to appear on Myanmarload website. Please respect our copyrights"
Myanmarload မှရေးသားသောသတင်းများသည် Myanmarload၏ မူပိုင်သတင်းများဖြစ်ပြီး Myanmarload Website ထဲတွင်သာ ဖတ်ရှုနိုင်ပါသည်။ ကျွန်ုပ်တို့၏ မူပိုင်ခွင့်ကိုလေးစားသောအားဖြင့် တစ်ဆင့်ကူးယူဖော်ပြခြင်းမပြုရန် မေတ္တာရပ်ခံအပ်ပါသည်။