လက်ရှိအခြေအနေဖြစ်ပေါ်ခဲ့တာ ဖေဖော်ဝါရီလ (၁) ရက်နေ့ကနေ အခုမေလထဲကိုတောင် ရောက်ရှိလာခဲ့ပြီဖြစ်ပါတယ်။မြန်မာပြည်သူလူထုကလည်း (၃)လကျော်ကြာမြင့်သွားပြီဖြစ်တဲ့ ဒီအခြေအနေကို ခွန်အားအပြည့်နဲ့ဆက်လက်ရင်ဆိုင်နေကြဆဲဖြစ်ပါတယ်။ဒီကာလအတွင်းမှာ အသက်ပေးသွားရတဲ့သူရဲကောင်းတွေ အယောက်(၇၀၀)ကျော်တဲ့အပြင် ဖမ်းဆီးခံရသူတွေလည်း မရေမတွက်နိုင်အောင်များပြားနေပြီဖြစ်လို့ ပြည်သူတွေက သူတို့တွေအတွက်ပါ အင်တိုက်အားတိုက်ကြိုးစားပေးနေကြတာဖြစ်ပါတယ်။
လူထုလှုပ်ရှားမှုတွေကိုလည်း မြို့နယ်အသီးသီးမှာ နေ့တိုင်းတွေ့မြင်နေရပြီး လူငယ်တွေကတော့ ရှေ့ဆုံးကနေပါဝင်နေကြတာဖြစ်ပါတယ်။အန္တရာယ်တွေကြားထဲကနေတောင် နည်းလမ်းအမျိုးမျိုးနဲ့ ဆန္ဒထုတ်ဖော်နေကြတဲ့ပြည်သူတွေရဲ့ရဲစွမ်းသတ္တိက အရမ်းလေးစားစရာကောင်းလှပါတယ်။လက်ရှိအခြေအနေကြောင့် အခက်အခဲမျိုးစုံကိုကြုံတွေ့ခဲ့ရတဲ့ပြည်သူတွေက ဘယ်လိုဒုက္ခအကြပ်အတည်းကိုမဆို ခံနိုင်ရည်ရှိလာပြီး အပြန်အလှန်ဖေးမကူညီရင်း ရှေ့သို့ဆက်လက်ချီတက်နေကြတာဖြစ်ပါတယ်။
ဒီနေ့ မေလ(၁၁)ရက်နေ့ မနက်ပိုင်းမှာဆိုရင်လည်း လူငယ်တွေအများအပြားက လမ်းပေါ်ထွက်လာကြပြီး ဆန္ဒထုတ်ဖော်နေကြတာဖြစ်ပါတယ်။လူငယ်တွေကတော့ “ဘာသာလူမျိုးမခွဲခြား မြန်မာနိုင်ငံသားဟေ့”လို့ ကျယ်လောင်စွာကြွေးကြော်ပြီး ချီတက်လာခဲ့တာဖြစ်ပါတယ်။လူငယ်တွေရဲ့ဟစ်ကြွေးသံက မာန်ပါပြီး တစ်လမ်းလုံးဟိန်းနေတာပဲဖြစ်ပါတယ်။ပူပြင်းတဲ့နေရောင်ကိုအံတုပြီး အရမ်းတက်ကြွနေတဲ့ လူအုပ်ကြီးရဲ့ ဗီဒီယိုဖိုင်ကို ပြည်သူတွေတွေ့မြင်ရအောင်လို့ ပြန်လည်မျှဝေပေးလိုက်ပါတယ်။
Photo Credit: Original Uploder
Source&Video Credit: Original Uploder