ပြည်တွင်းနဲ့ ပြည်ပက မြန်မာလူမျိုးတွေကို အချင်းချင်း သွေးခွဲပေးနေကြတာနဲ့ ပတ်သက်ပြီး ပြတ်ပြတ်သားသား ပြောလာတဲ့ ရန်ရန်ချန်း

ပရိသတ်တွေရဲ့ အားပေးမှုကို အခိုင်အမာရရှိထားတဲ့ ရန်ရန်ချန်းကတော့ နွေဦးတော်လှန်ရေး တိုက်ပွဲကြီးမှာ ပြည်သူတွေနဲ့အတူ လုထုလှုပ်ရှားမှုတွေကို တတ်နိုင်တဲ့ ဘက်ကနေ ရဲရင့်တက်ကြွစွာ ပါဝင်လှုပ်ရှားခဲ့သူ တစ်ယောက် ဖြစ်ပါတယ် ။ ဒီလို တက်ကြွစွာ ပူးပေါင်း ပါဝင်ခဲ့တာကြောင့်လည်း အဆိုတော် ရန်ရန်ချန်းကို ပုဒ်မ၅၀၅(က) ဖြင့် တရားစွဲဆို ထားကြတာလည်း ဖြစ်ပါတယ်။  

ဒါကြောင့်လည်း ရန်ရန်ချန်း တစ်ယောက် အခုလို အခြေအနေတွေမှာ မိသားစုနဲ့ ခွဲခွာပြီ ဘေးကင်းလုံခြုံရာ နေရာမှာ  တိမ်းရှောင်နေရတာလည်း ဖြစ်ပါတယ်။ ဒီလို ခြိမ်းခြောက်ခံရတာတွေ ရှိနေပေမယ့်လည်း ဒီနေ့အထိ ပြည်သူတွေနဲ့ အတူရှိနေကာ သတင်းအချက်အလက်တွေ ကိုတော့ သူ့ရဲ့လူမှုကွန်ယက် စာမျက်နှာထက်မှာ ရေးသားဝေမျှပေးနေဆဲဖြစ်တာကြောင့် လေးစားမိတာ အမှန်ပါပဲနော် ။

ဒီနေ့မှာလည်း ပြည်တွင်းမှာ နေထိုင်ကြတဲ့ မြန်မာနိုင်ငံသားတွေနဲ့ ပြည်ပရောက် မြန်မာလူမျိုးတွေကို အချင်းချင်း သွေးကွဲအောင် ပြုလုပ်နေကြတာနဲ့ ပတ်သက်ပြီး ခုလို ပြတ်သားစွာ ရေးသားဖော်ပြလာပါတယ် ။ " ပြည်ပရောက်နိုင်ငံသားတွေနဲ့ပြည်တွင်းကနိုင်ငံသားတွေကို သွေးခွဲဖို့အတွက်က post လေးတစ်ခုလောက်ပဲလိုတယ်။ ဒီလောက်ကြီးစည်းလုံးလာကြပြီးမှဒီလောက်လွယ်လွယ်လေးသွေးကွဲစရာလား..... လုပ်စရာရှိတာစည်းစည်းလုံးလုံးဆက်လုပ်ကြမယ် ကူစရာရှိတာဆက်ကူကြမယ် " ဆိုပြီး ဘေးစကားတွေကြောင့် သွေးမကွဲကြဖို့နဲ့ စည်းစည်းလုံးလုံး ရှေ့ဆက်ကြမယ့်အကြောင်း လေးကို ဖော်ပြထားရာ ပရိသတ်ကြီးအတွက် ဝေမျှပေးလိုက်ပါတယ်။