မြန်မာနိုင်ငံဂီတအစည်းအရုံး(ဗဟို) ယာယီအမှုဆောင်အဖွဲ့မှ တရားဝင်နှုတ်ထွက်လိုက်ကြတဲ့ ညီမင်းခိုင်နဲ့ မနော

အဆိုတော်မနောကတော့ လက်ရှိမှာအောင်မြင်လျက်ရှိနေတဲ့ အနုပညာရှင်တစ်ယောက်ဖြစ်ပြီး မြန်မာသံသီချင်းကောင်းလေးတွေများစွာကို သီဆိုခဲ့သူတစ်ယောက်ပဲဖြစ်ပါတယ်။ အဆိုတော်ညီမင်းခိုင်ကတော့ အနုပညာလောကမှာ နေရာတစ်ခုကိုရယူထားနိုင်ခဲ့ပြီး အောင်မြင်မှုတွေကို ဆွတ်ခူးထားနိုင်ခဲ့တဲ့ အနုပညာရှင်တစ်ယောက်ပဲဖြစ်ပါတယ်။ မနောနဲ့ညီမင်းခိုင်တို့ကတော့ ဇွန်လ၁ရက်နေ့ မြန်မာနိုင်ငံဂီတအစည်းအရုံးယာယီအမှုဆောင်အဖွဲ့မှာ အဖွဲ့ဝင်တွေအဖြစ် ခန့်အပ်ခံခဲ့ရပါတယ်။

ယနေ့မှာတော့ မနောနဲ့ညီမင်းခိုင်တို့၂ယောက်ဟာ မြန်မာနိုင်ငံဂီတအစည်းအရုံး(ဗဟို) ယာယီအမှုဆောင်အဖွဲ့မှ တရားဝင်နှုတ်ထွက်လိုက်ကြပါတယ်။ညီမင်းခိုင်ကတော့ ယာယီအမှုဆောင်အဖွဲ့မှာ စည်းရုံးရေးမှူးအဖြစ်တာဝန် ခန့်အပ်ခံခဲ့ရတာပဲဖြစ်ပါတယ်။ ညီမင်းခိုင်ကတော့ " အချိန်မျိုးမှာလက်ခံဖို့ခက်ခဲတဲ့အရာမို့လူကြီးမင်းများအားလုံးနားလည်ပေးကြပါရန် လေးစားစွာဖြင့်နှုတ်ထွက်အပ်ပါသည် "ဆိုပြီး နှုတ်ထွက်လိုက်တဲ့အကြောင်း လူမှုကွန်ယက်စာမျက်နှာထက်မှာ ရေးသားထားခဲ့ပါတယ်။

အဆိုတော်မနောကတော့ မြန်မာနိုင်ငံဂီတအစည်းအရုံး(ဗဟို) ယာယီအမှုဆောင်အဖွဲ့မှာ  အမှုဆောင်အဖွဲ့ဝင်အဖြစ် ခန့်အပ်ခံခဲ့ရတာဖြစ်ပါတယ်။ မနောကတော့ အနုပညာပိုင်းမှာ ဝါသနာရှင်သာဖြစ်ပြီး ပညာရှင်မဟုတ်တဲ့အကြောင်း၊ အသက်၃၈နှစ်သာရှိသေးတာကြောင့် အားနည်းချက်တွေများစွာရှိပြီး ယာယီအမှုဆောင်အဖွဲ့ဝင်အဖြစ်နဲ့ မသင့်တော်တာကြောင့် ခွင့်လွတ်နားလည်ပေးစေလိုတဲ့အကြောင်း ရေးသားထားခဲ့တာပဲဖြစ်ပါတယ်။ ယာယီအမှုဆောင်အဖွဲ့မှ တရားဝင်နှုတ်ထွက်ကြောင်း ရေးသားထားတဲ့ အဆိုတော်မနောရဲ့စာလေးကို ပြန်လည်ဖော်ပြပေးလိုက်ရပါတယ်။

Source: မနောManaaw ' s Facebook Page / Nyi Min Khine ' s Facebook Acc